الکللو ایچکیلرین اینسان اورگانیزمینه تأثیری ایله باغلی یئنی تدقیقاتین مؤلفلری قطعی نتیجه‌یه گلیبلر: ایسپیرت‌لی ایچکیلرین هر هان‌سی دوزاسی اینسان اورقانیزمینه ضرر وئریر و حکومتلر اینسانلارا بو ضررلی وردیش‌دن بیردفعه‌لیک چکینمیی توصیه ائتمه‌لیدیر.

آخار. آذ خبر وئریر کی، بو قطعی رایین مؤلفلری آمریکانین واشینگتن اونیورسیتتینین تدقیقات قروپونا داخیل اولان عالیملردیر. آپاریلان گنیش تدقیقاتین «لانگت» تیبب ژورنالیندا درج اولونان نتیجه‌لرینه گؤره، ۲۰۱۶-جی ایلده الکللو ایچکیلر ۲،۸ میلیون اینسانین اؤلومونه سبب اولوب.

تدقیقاتین نتیجه‌لرینه گؤره، گون‌ده ۱-۲ قده پیوه، یاخود شراب ایچمیین ساغلام‌لیق اوچون تهلوکه‌سیز اولماسی باره‌ده فیکیرلر ده یانلیش‌دیر. «علمی نؤقتئیی-نظردن ثبوت اولون‌دو کی، ایسپیرت‌لی ایچکیلرین تهلوکه‌سیز دوزاسی یوخ‌دور»، -دئیه‌ن تدقیقات مؤلفلری بو یاناشما طرزینه قطعی مؤقعلرینی بیلدیریبلر.

عالیملر آمریکانین ساغلاملیغین قیمتلندیریلمه‌سی اینستیتوتونون ۱۹۹۰-۲۰۱۶-جی ایللرده دونیانین ۱۹۵ اؤلکه‌سین‌ده آپاردیغی تدقیقاتلارین نتیجه‌لرین‌دن ده ایستیفاده ائدیبلر. بو مدت‌ده آپاریلان ۵۲۹ تدقیقات نتیجه‌سین‌ده آلکللو ایچکیلردن ایستیفاده ائد‌ن ۲۸ میلیون اینسانین ساغلاملیغینین پوزولماسی فاکتلاری قئیده آلینیب. گونده بیر قدح قیرمیزی شرابین اورک-دامار و شکرلی دیابت خسته‌لیکلرینه فایدالی اولماسی باره‌ده فیکیرلر ده بو تدقیقات زامانی تکزیب اولونوب. حتی ایسپیرتلی ایچکیلرین اونکولوژی خسته‌لییه توتولما احتیمالینی آرتیرماسی، خصوصیله قادینلاردا دؤش خرچنگینین یاییلماسیندا منفی رول اوینادیغی دا معین ائدیلیب. بئله کی، بریتانییادا هر ۱۳ اونکولوژی خسته‌لیکدن بیرینین الکل منشأ‌لی اولدوغو اوزه چیخیب. گنجلرده ایسه ورم خستلیینین بؤیوک بیر حیصه‌سینین، هابئله یول قزالاری و اینتیهارلارین چوخونون ایسپیرتلی ایچکیلرله علاقه‌لی اولدوغو معلوم اولوب.