پریفریک عصب سیستمی بیین و اونورغا بئینین‌دن باشقا عصبلر و قانق‌لیدن (عصب دویونو) عبارت‌دیر. بو عصب سیستمینین اساس وظیفه‌سی مرکزی عصب سیستئمی ایله دویغو اورقانلاری و بدن عضولری آراسینداکی رابطه‌نی یاراتماقدیر.

آخار. آذ خبر وئریر کی، ئریفریک سینیر سیستئمی سوماتیک و وگئتاتیو اولماقلا ایکی یئره آیریلیر. سوماتیک سکلت عضله‌لرینین عصبلری‌دیر. بو سیستئم‌ده ۳ جور نئیرون وار. بونلاردان بیرینجی‌سی آففرنت نیرونلاری‌دیر. آففرنت نیرونلار دویغو اورقانلارین‌دان، اویناقلاردان و عضله‌لردن معلومات آلیر، اونو مرکزی سینیر سیستئمینه اؤتورور. ائففئرئنت آدلانان ایکینجی نؤو نئیرونلار ایسه مرکزی عصب سیستئمین‌دن بدنین توخوماسینا و اورقانلارینا گؤستریشلر وئریر. ایتئرنئیرونلار آدلانان اوچونجو تیپ نئیرونلار آففئرئنت و ائففئرئنت سینیرلری آراسین‌دا علاقه یاراتماق‌دا مسئول‌دور.

وئگئتاتیو و یا آوتونوم عصب سیستئ‌می ایسه داخیلی اورقانلارین فعالیتینی تنزیملییر. بو سیستئم داخیلی اورقانلاردان الده ائتدیی معلومات سایه‌سین‌ده بدنین احتیاجلارینی آوتوماتیک اولاراق قارشیلاییر و بدنین سابیتلیینی تعمین ائدیر. آوتونوم سینیر سیستئمی ده اؤزلویونده ایکی یئره آیریلیر: سیمپاتیک و پاراسیمپاتیک.

سیمپاتیک قانلا تجهیز اولونمانی یاخشیلاشدیریر، اوریین ایشینی گوجلندیریر، آرتئرییا دامارلارین‌دا قان تضییقینی یوکسلدیر، قاندا شکرین میقدارینی آرتیریر.

پاراسیمپاتیک ایسه عکسینه، اوریی ساکیت‌لیک وضعیتینه گتیریر، قان تضییقینی، قان‌دا شکرین میقدارینی آشاغی سالیر. سیمپاتیک سیستمین تأثیریندن سونرا داخیلی اورقانلارین فعالیتینین سرعتله‌نمه‌سینین قارشی‌سینی آلاراق، ثابتلیگی قورویور