قاراجییر اؤزو اؤزونو برپا ائد‌ن اورقاندیر. لاکین بعضا قاراجییرده دایم گئدن رگئنراسییا (برپا) پروسئسلری موختلیف زیانلی تاثیرلرین عؤهده‌سیندن گله بیلمیر و اورگان "داغیلماغا" باشلاییر.

هپاتوسیتلر (قاراجییرین حجئیره‌لری) محو اولور و اونلارین یئرینده فیبروز توخوما عمله گلیر کی، بو توخوما، طبیعی کی، هپاتوسیتلرین فونکسییاسینی یئرینه یئتیره بیلمیر. چوخ واخت بو پروسسی تام دایاندیرماق مومکون اولماسا دا لنگیتمک مومکوندور.

ساغلام اولون. آذ-ین معلوماتینا گؤره، روسییالی قاسترو انترولوق-هپاتولوق سرگئی ویالووون سؤزلرینه گؤره، قاراجیرده برپا پروسسلرینی سرعتلندیرمک اوچون اینسان ساده‌جه ساغلام قیدالانمالیدیر. همچینین بعضی فایدالی محصوللار وار کی، اونلار بو برپا پروسئسلرینه مثبت تأثیر ائده بیلر.

هپاتولوقون قاراجییر اوچون فایدالی اولان، قاراجییرده برپا پروسسلرینی ایستیموللاشدیران قیدالارین سیاهی‌سینی تقدیم ائدیریک:

- آمینتورشولار و زولاللارلا زنگین اولان محصوللار (سود محصوللاری، یاغی آز اولان ات نؤولری، قوش اتی)

- قهوه. سون بیر نئچه ایلده آپاریلان آراشدیرمالار ثبوت ائدیب کی، قهوه قاراجییرین ساغلاملیغی اوچون ان فایدالی محصوللاردان بیریدیر.

- بالیق و بالیق یاغی.