طبیعت، یارادیلیش اؤز موکممل‌لیگی ایله هئیران ائتمه‌یه داوام ائدیر. دونیانین ان بؤیوک سورپریزی اینسان‌دیر. اینسانین ان ایضاح ائدیلمز اورگانی ایسه اونو ایداره ائد‌ن بئییندیر. بلی، دونیا عالیملری اوزون ایللردیر بئینین سیستماتیک فعالیتی ایله علاقدار آراشدیرمالار آپارسالار دا، بئینین نئجه ایشلدیی سیررینی آچا بیلمه‌ییبلر. اما هر دفعه‌سینده ماراقلی فاکتلار آشکارلاییبلار.

پوبلیکا. آذ اینسان بئینی ایله علاقدار ماراقلی فاکتلاری تقدیم ائدیر:

«بینین ساده‌جه ۱۰ فایزی چالیشیر»

اینسان بئینی حاقین‌دا بو گون چوخسایلی میفلر وار. ان چوخ ائشیتدییمیز ایسه بودور کی، اینسان بئینی اؤزونده اولان پوتنسیالین یالنیز ۱۰ فایزینی آکتیولشدیریر. بو باره‌ده پسیخولوقلار، پسیخیاترلار، ائکستراسئنسلر و س. هر کس دانیشیر. اینسان بئینینین ایمکانلارینین یالنیز ۱۰% -نین چالیشماسی غریبه بیانات اولسا دا، داها ماراق‌لیسی گئری‌ده نئچه فایز پاسسیو قالیر. بس بونون سببی ندیر؟ ایسوئچ عالیملری ادعا ائدیر کی، بئیین اؤزو-اؤزونو مدافعه مقصدیله بونو ائدیر. بئینین دیگر بؤیوک حیسه‌سی پاسسیو شکیل‌ده گیزلی گوشه‌ده قورونور. بو او زامان ایشه دوشور کی، هر هان‌سی فؤوقه‌لاده حال باش وئریر و اینسان تلاش ایچری‌سین‌ده اولارکه‌ن غیری-عادی چیخیش یولو تاپیر. اصلین‌ده، بو تامامیله نورمالدیر. ساده‌جه اولاراق نورمال پسیخولوگییا آلتین‌دا اینسان بئینی آکتیو فعالیت گؤسترمدیی اوچون بو، دیگرلری اوچون غیری-عادی، مؤحتشم گؤرونور.

معاصر سکانرلر واسطه‌سیله آراشدیرما آپاران حکیملر اینسان بینینین تام اولاراق ۱۰۰ فایزلیک ایشلدیینی ادعا ائدیر. بئیینین موختلیف فونکسییالاری اینسانلارین موختلیف حرکتلریندن آسیلی اولاراق دییشیر. بیز گزرکه‌ن بئیینین حرکتیمیزی تنظیملدیی حیصه‌سی آکتیو فعالیت‌ده اولور. حتی یاتارکن بئله بئیینین بیر حیصه‌سی فعالیتینی داوام ائتدیره بیلر.