عالیملر اینسان ساغلاملیغی اوچون ان ضررلی اولان یاغی آشکارلاییبلار. اونلارین رایینه گؤره، بو، کوکوسدان الده ائدیلن یاغ‌دیر.

بئله کی، کوکوس یاغی اورک خسته‌لیکلرینین اینکیشافی ریسکینی آرتیریر.

پوبلیکا. آذ خبر وئریر کی، فرایبورق اونیورسیتتینین تدقیقات‌چیلار هاروارد پروفسسورو کاری میخئلسو ایله بو باره‌ده آراشدیرما آپاریب.

آراشدیرمانین نتیجه‌سینده عالیملر بو قناعته گلیب کی، کوکوس یاغینین ترکیبینه دانا و دونوز پییندن داها چوخ (تخمیناً ۸۰%) دویموش یاغلار داخیل‌دیر.

آراشدیرما "بیزنس اینسایدر" ژورنالیندا درج اولونوب. عالیملر کوکوس یاغیندان قیدا محصولو کیمی ایستیفاده‌سی زامانی منفی تاثیرلرینی اوزه چیخاریب. معلوم اولوب کی، بو محصولون یاغی اورک خسته‌لیکلرینین اینکیشافی ریسکینی آرتیریر.

مقاله‌ده قئید اولونوب کی، سون دؤرد ایلده اینگیلتره‌ده کوکوس یاغینین ساتیشی ۱۶ دفعه آرتیب، آمئریکادا ایسه ایللیک ساتیش حجمی ۲۳۰ میلیون دوللار اولدوغو بیلدیریلیب.