حکیملر هر زامان خرچنگ خستلیینین ایلکین علامتلرینه خصوصیله دقت ائتمییمیزین لازیم اولدوغونو بیلدیریر. واختین‌دا قویولان دقیق دیاقنوز بو خستلیین اوغورلو معالیجه شانسینی آرتیریر.

آخار. آذ هر کسین گؤزاردی ائتدیی، آنجاق خرچنگ خسته لیینین ایلکین علامتی اولان ۱۶ گؤستریجینی تقدیم ائدیر:

۱. آشیری درجه چکی ایتیریلمه‌سی

پهریز و ایدمان وردیشلرینده هئچ بیر دییشیکلیک اولمادیغی حال‌دا نظارتدن چیخمیش سرعتلی چکی ایتکیسی خرچنگین اساس علامتلرین‌دن بیریدیر. خصوصیله ده بیر آی عرضینده آنیدن ایتیریلن چکیلردن شوبهه‌له‌نمک و حکیمه مراجعت ائتمک لازیمدیر.

۲. شیشکینلیک

قادینلاردا تئز-تئز راست گلینن شیش یومورتالیق خرچنگینین علامتلریندن بیریدیر. بو خرچنگین دیگر علامتی ایسه قارین آغریسیدیر. یعنی چوخ قیدا قبول ائدیلمدیی حالدا دویماق حسی و یا هزم پروبلملری وارسا، اونو بو خسته لیین ایلکین گؤستریجی کیمی سایماق اولار. اگر شیشکینلیک پروبلمی هر گون یاشانارسا و بیر نئچه هفته داوام ائدرسه، حکیم معایینه‌سی واجیب‌دیر.

۳. سود وزیسین‌ده دییشیکلیکلر

دؤش دریسینده لکه، دؤش اوجونون ایچه قاییتماسی، آخینتی، قیزارتی، یا دا دری رنگینده فرقلیلیک وارسا، بو علامتلری موطلق جدییه آلماق لازیمدیر. بونونلا یاناشی سینه‌ده گؤرونن و الله حس ائدیله‌ بیلن شیشلری ده اونوتماماق لازیمدیر.

۴. منسترواسییا دؤورو اولمادیغی حالدا قاناخمالارین اولماسی

منسترواسییا اولمادیغینیز حالدا لکه شکلینده آخینتی گلیرسه، بو، شوبهه‌لی مسئله‌لردندیر. بو پروبلملر گنکولوژی خرچنگ خستلیینین خبرچیسی اولا بیلر.

۵. دری رنگینده دییشیکلیک

هر کس دری خرچنگی اوچون خاللاردان و گونش لکه‌لریندن شوبهه‌له‌نمک لازیم اولدوغونو بیلدیریر. فقط دییشیکلر بونلارلا بیتمیر. دریده یئرسیز قانامالار، جیلدین حساس اولماسی کیمی دییشیکلر اؤنملی علامتلردیر.

۶. اودما پروبلملری

اگر یئمک آلیشقانلیغینیز دییشمدیی حالدا اودما پروبلملری یاشاییرسینیزسا و قوسما وارسا، بو، شوبهه‌لی وضعیتدیر. سؤزوگئدن علامت بؤیوک احتیماللا اودلاق بوروسو خرچنگینین خبرچیسی اولا بیلر.

۷. نجیسده قان

اگر نجیسینیزده قان گؤرسه‌نیز، بو خرچنگ خستلیینین علامتلریندن بیری اولا بیلر. بعضیلری طرفیندن جدییه آلینمایان بو پروبلئمی گؤزاردی ائتمک اولماز.

8.قارین آغریسی و دپرسییا

قادینلار قارین آغریسی ایله بیرلیکده دپرسییایا دا دوشورلرسه، موطلق «چک آپ» ائتملیدیرلر. متخصصلر بو علامتلرین معده آلتی وزی خرچنگینین علامتلری اولدوغونو دوشونور.

۹. هزم پروبلمی

اگر حامیله دئییلسینیزسه و پهریزینیزه دقت ائتدیینیز حال‌دا کئچمه‌یه‌ن بیر هزم‌سیزلیک پروبلمی یاشاییرسینیزسا، بو، خرچنگین علامتلری ساییلیر.

۱۰. آغیزدا دییشیک‌لیکلر

خصوصیله، سیقارت چکیرسینیزسه و آغیزینیزدا آغ یارالار و یا دیلینیزده آغ لکه‌لر وارسا، دیش حکیمینه و یاخود اوزمانا مراجعت ائتمیینیز واجیبدیر.

۱۱. آغری

اینسان بده‌نینین عینی حیصه‌سینده اوزون مدت داوام ائد‌ن و سببی آچیقلانمایان آغریلار وارسا، بو، خرچنگین علامتلرینده‌دیر.

۱۲. لیمفا دویونلری

بوغازینیزدا و یا قولالتینیزدا اودقونان زامان لیمفا دویونلرینده دییشیکلیک حس ائدیرسینیزسه، بو زامان خرچنگدن شوبهه‌له‌نمک لازیمدیر. اگر بو شیشلر بیر آی عرضینده بؤیویرسه، دئمک، سیزده خرچنگ ریسکی وار.

۱۳. یوکسک تمپراتور

قریپ، اینفکسییا خسته لیینه توتولمامیسینیزسا و یوکسک تمپراتورونوز وارسا، بو، قان خرچنگینین علامتلری اولا بیلر.

۱۴. یورغونلوق

یورغونلوق بیر سیرا خستلیین علامتی اولماقلا یاناشی، هم ده خرچنگین ده علامتی اولا بیلر. یورغونلوق داها چوخ مده خرچنگینین علامتلرین‌دن بیریدیر.

۱۵. اؤسکورک

چوخ واخت قریپ و سویوقدیمه‌نین سیمپتومو کیمی معلوم اولان اؤسکورک ۳-۴ هفته داوام ائدرسه، حکیمه مراجعت ائتمک لازیمدیر.

۱۶. دیرناقلاردا دییشیکلیک

دیرناقلارداکی دییشیکلیک بیر نئچه خرچنگ نؤوونون علامتی اولا بیلر. اگر دیرناغینیزین آلتیندا قارا و یا قهوای لکه‌لر وارسا، بو، دری خرچنگینین علامتی اولا بیلر. بوندان باشقا، دیرناقلارینیز آغ و سولغوندورسا، قاراجیر خرچنگینین ایلکین علامتی اولا بیلر.