واختین‌دان اول، یعنی ۱۰ آیین‌دان آشاغی اوشاقلارین یئریمه‌سی گئنئتیکدیر. بونو والیدئینلر سئویندیریجی حال کیمی قیمتلندیریر، اما بیلمک لازیمدیر کی، واختین‌دان اول یئریمک اوشاقلارا منفی تأثیر ائدیر.

بو سؤزلری آخار. آذ-ا آچیقلاماسین‌دا پئدیاتر کماله عمراهووا دئییب. او بیلدیریب کی، بیر مدت سونرا اوشاغین نورمال یئریمه واختی یئتیشدیک‌ده یئریشین‌ده معین پروبلئملر اوزه چیخا بیلر:

«اوشاقلارین واختین‌دان اول یئریمه‌سی اونلاردا سوموک پروبلئملرینین یارانماسینا سبب اولا بیلر. اونلارین نورمال یئریمه واختی ۱۰-۱۱ آیلیغین‌دان سونرا ساییلیر. بو پروسئس ۱ یاش ۸ آیلیغینا کیمی داوام ائده بیلر. اگر اوشاقلار ۲ یاشی تامام اولماسینا باخمایاراق یئریمیرسه، بو طب‌ده پاتولوگییا ساییلیر. بونون سببلری نئورولوق و پئدیاتر واسطه‌سی ایله اوزه چیخاریلمالیدیر».

کماله عمراهووا اوشاقلارین دیل آچما مدتیندن ده دانیشیب:

«۶ آیین‌دان باشلایاراق کؤرپه‌لر تک-تک سؤزلر دئییر. ۱ یاش و ۱ یاش ۲ آیلیغین‌دا آرتیق اوشاقلار قیسا جمله‌لر قورماغی باجارمالیدیر. اونلار همین دؤورده اطرافداکی اینسانلارین نه دئدیینی آنلاییر. ایکی یاشین‌دا سونرا ایسه سربست دانیشا بیلیرلر. اگر ۱ یاشی تامام اولان اوشاق ایکی سؤزدن عبارت جمله قورا بیلمیرسه، بو، آرتیق نئورولوژی پاتولوگییادان خبر وئریر. اوشاق‌دا دیلین گئج آچیلماسی عقلی اینکیشاف گئریلیینه سبب اولور».