آغلاماق اینسانین هم فیزیکی، هم ده معنوی دورومو اوچون فایدالی‌دیر. عادتن درد، عذاب چکن اینسانا "آغلا، ایچینی بوشالت، راحاتلاشاجاق‌سان" دئییرلر. اصلین‌ده، بو، چوخ دوزگون فیکیردیر، آغلایان اینسان اؤز ایسترئسسینی، گرگینلیینی گؤز یاشی ایله چیخاراراق، دئپرئسسییادان اوزاق اولور. بعضی اینسانلار آغلاماغین ضعیفلیک اولدوغونو دوشونور، اما بو، چوخ یانلیش‌دیر.

آخار. آذ خبر وئریر کی، پسیخولوق گولنار ناغییئوانین سؤزلرینه گؤره، ائموسیونال، حساس و عصبی اینسانلار داها چوخ آغلاییرلار:

"آراشدیرمالار نتیجه‌سینده معین اولونوب کی، اینسان آغلادیغی زامان گؤز یاشلاری واسطه‌سی ایله اورقانیزم‌ده اولان ضررلی مادده‌لر خاریج اولونور. بو دا ایسترئسسی آزال‌دیر و اینسانی راحاتلاشدیریر. بونون دا ساغلاملیغا موثبت تأثیرلری وار".

تورکییه‌لی پسیخولوق آیچا سویدئمیرین سؤزلرینه گؤره، گؤزیاشی عصب و ایسترئسس زامانی قاتیلاشان قانین دورولماسینا و گرگینلشه‌ن اورک دامارلارینین آچیلماسینا یاخشی تأثیر گؤستریر:

"آغلایان اینسانلار دیگرلری ایله موقاییسه‌ده داها تئز، داها راحت و داها چوخ یاتیرلار. گرگینلیک، قورخو، کدر، ایسترس کیمی وضعیتلرده قان تضییقی قالخان و یا دوشن اینسانلار اوچون ان یاخشی یول آغلاماق‌دیر. آغلادیق‌دان سونرا اینسانین تضییقی نورماللاشیر".

طیب متخصصلری آغلاماغی فیزیکی و روحی پروبلملرین ان اوپتیمال حلی یوللارین‌دان ساییر. مثلاً، یاخین آدامینی ایتیریب بو کدره آغلامایان اینسانی پسیخوتئراپئوت آغلاتماغا چالیشارکن "من نیه گؤره آغلامالییام؟ آخی بو اونو قایتارمایاجاق" دئیه جاواب وئره‌ن پاسیئنته پسیخوتئراپئوت بئله جاواب وئریر: "بو سنه اؤزونو قایتارماغا کؤمک ائد‌جک".