آنا صحیفه ساغلیق |
شیرنیاتلارین و شکرین حدیندن آرتیق قبولو ساغلاملیق اوچون چوخ زررلیدیر.
متخصصلر شیرنیاتلارین قبولونو مینیموما چاتدیرماغی توصیه ائدیرلر. بو زامان داها فایدالی شیرنیاتلارا اوستونلوک وئرمک لازیمدیر: توند شوکولاد، بال، مئیوه قورولاری، هالوا، طبیعی زئفیر و مارمئلاد. لاکین بو شیرنیاتلاردان دا ایستیفاده ده ایفراتا وارماق اولماز.
شیرنیاتلاردان ایمتینا ائدن اینسانین اورقانیزمینده بیر چوخ موسبت دییشیکلیکلر باش وئریر.
آخار. آز بو دییشیکلری تقدیم ائدیر:
۱. شکر ایممون سیستئمینین ضعیفلهدیر. بو سببدن شیرنیاتلاردان ایمتینا ائتمکله سیز ایممون سیستئمینیزین فعالیتینی یاخشیلاشدیرا بیلرسینیز.
۲. شکر و شیرنیاتلارین چوخلو میقداردا قبولو آرتیق چکی و پیلهنمهنین اساس سببیدیر. بئلهلیکله، چکینیزی نورمایا سالماق ایستییرسینیزسه، ایلک نؤوبهده ترکیبینده شکر اولان محصوللاردان ایمتینا ائدین.
۳. شکرین چوخلو میقداردا ایستئهلاکی بئیینین فعالیتینی پوزور، دقتی آزالدیر، تدریس پروسئسینه منفی تأثیر ائدیر. شکرین قبولونو آزالتماقلا سیز علم و تدریسده داها بؤیوک نایلیتلر قازانا بیلرسینیز.
۴. شکردن سوی-ایستیفاده هوجئیرهلرین اینسولینه اولان رئزیستئنتلیینی (هسساسلیغینی) آزالدیر کی، بو دا گلهجکده شکرلی دیابئتین اینکیشافینا شرایط یارادیر. بئلهلیکله، شکردن ایمتینا ائتمکله دیابئتین ریسکینی آزالتماق مومکوندور.
۵. شکرین چوخلو میقداردا ایستئهلاکی درینین وضعیتینه چوخ منفی تأثیر ائدیر، درینین قوجالماسینی سورتلندیریر. شکردن ایمتینا ائتدیکدن بیر مدت سونرا درینین وضعیتینین یاخشیلاشماسینی هیسس ائدجکسینیز.
۶. شکرین حدیندن آرتیق ایستئهلاکی خرچنگین و اورک-دامار سیستئمی خستهلیکلرینین ریسکینی آرتیریر. شکر اورقانیزمده ایلتیهابین سوییهسینی آرتیریر. بو بوتون اورقانلارا و او جملهدن دامارلارا عاییددیر. ایلتیهابلاشمیش دامارلاردا خولئستئرین ییغیلماغا باشلاییر کی، دامارلار دارالیر، کؤورک اولور، تئز پارتلاییر. بو ایسه اؤز نؤوبهسینده اورک خستهلیکلری، اینسولت و اینفارکتین ریسکینی خئیلی آرتیریر. معاصر علمده خرچنگین اساس سببلریندن بیری خرونیکی ایلتیهاب ساییلیر. شکرین حدیندن آرتیق ایستئهلاکی اورقانیزمده ایلتیهابین یارانماسینا تکان وئریر. بئلهلیکله، شکرین ایستئهلاکیندان ایمتینا ائتمکله اورقانیزمده ایلتیهابین سوییهسینی و بونونلا دا خرچنگ و اورک-دامار سیستئمی خستهلیکلرینین ریسکینی آزالتماق مومکوندور.
۷. شیرنیاتلاردان سوی-ایستیفاده اسبیلییه، یوخو پوزولمالارینا سبب اولور.
تاریخ
2019.09.26 / 23:57
|
مولف
Axar.az
|