موبیل تئلئفون آسی‌لی‌لیغی اولدوقجا قورخولو بیر تهلوکه اولاراق اورتایا چیخیب. هکیملر یاتاق‌دا سمارتفون ایستیفاده‌سینین "گؤز ایفلیجی"نه سبب اولدوغونو سؤیله‌ییبلر.

آخار. آز خبر وئریر کی، بیر چوخ اینسان یاتمازدان اول سمارتفونلار واسطه‌سیله سوسیال مئدیایا باخیر، اویون اویناییر و یا بیر شئی اوخویور. اصلین‌ده بو گونوموزده اولدوقجا عادی بیر حال‌دیر. آنجاق بو گوناه‌سیز وردیشین گؤزلره زیانی حتی گؤز ایفلیجینه سبب اولاجاغینی بیلیرسینیزمی؟

چین‌ده بیر آدام، قاران‌لیق‌دا دایم تئلئفونونا باخدیق‌دان سونرا موقتی کورلوق یاشادیغی اوچونهکیمه مراجعت ائدیب. چین‌لی هکیم لئی تاو، ائلئکترون جیهازلارا اوزون مدت باخماغین گؤز ایفلیجینه سبب اولا بیلجیینی سؤیله‌ییب. هر آی ان آزی ۲۰ گنج خسته‌لیگی موقتی کورلوق سببیله خستخانایا گلیر.

رئتینادا دامارلارین تیخانماسی کورلوغا سبب اولان بو خستلیین آنی، جدی و ایلک علامتی‌دیر. آراش‌دیرمالارا گؤره، گؤز ایفلیجی خسته‌لیگی هر ایل آرتیر و خصوصیله گنجلر آراسین‌دا یاییلیر. بو، یالنیز موقتی دئییل، هم ده خسته‌نین حیات کئیفیتینه و جمعیت‌ده فعالیتینه تأثیر ائد‌ن داوام‌لی کورلوقلا دا نتیجه‌لنیر.

بیر گؤزده قفیل گؤرمه ایتکی‌سی، سمارتفون کورلوغونون ایلک علامتی. بو عادته‌ن قاران‌لیق‌دا بیر طرفی اوسته یاتیب، تئلئفونون ائکرانینا تک گؤزله باخماق‌دان یارانیر.

عمومیتله ناراحات‌لیق ۱۵ دقیقه عرضین‌ده یاخشیلاشیر، آنجاق داها اوزون مدت چکرسه تجی‌لی اولاراق بیر هکیمه یاخینلاشماق لازیم‌دیر.