خبر وئردییمیز کیمی، اؤتن گون عموم‌دونیا صحییه تشکیلاتی (اوست) کوروناویروسو پاندمییا کیمی قبول ائدیب.

بس گؤره‌سن پاندمییا ندیر و نه زامان اعلان ائدیلیر؟

آخار. آذ خبر وئریر کی، پاندئ‌مییا یولوخوجو خسته‌لیین بوتون بیر اؤلکه‌نی، عینی زامان‌دا اونونلا همسرحد اؤلکه‌لری، بعضا بیر چوخ اؤلکه‌نی بورومه‌سینه دئییلیر. پاندئ‌مییانی ائپیدئ‌مییادان فرقله‌ن‌دیره‌ن اساس سبب ده ائله اونون بؤلگه‌لر و قروپلار اوزرین‌ده جغرافی بیر یولوخما اولماسی‌دیر. بو تئرمین بیر اؤلکه‌یه و یا بوتون دونیایا تأثیر ائد‌ن خسته‌لیکلر اوچون ایستیفاده اولونور.

پاندمییا خستلیین تهلوکه‌سینی دئییل، یاییلماسینین میقیاسینی تعیین ائدیر. بو سبب‌دن یالنیز یولوخوجو خسته‌لیکلره بو آد وئریلیر.

متخصصلر خسته‌لیین پاندمییایا چئوریلمه‌سی اوچون اونون ۳ علامتینین اولماسینین کیفایت ائتدیینی بیلدیریرلر. بونلار یئنی ویروسون یاییلماسی، اونون اینسانا کئچمه‌سی و بو ویروسون اینسان‌دان اینسانا آسان‌لیقلا اؤتورولمه‌سی حاللاری‌دیر.

دونیادا پاندمییا اعلان ائدیله‌ن سونونجو خسته‌لیک ایسه دونوز قریپی اولوب. بو قریپ ۲۰۰۹-جو ایلده «پاندمییا خسته‌لیگی» اعلان ائدیلیب.

۲۰-جی عصرین پاندمیک قریپلری ایسه ۱۹۱۸-جی ایلده دونیادا ۴۰-۵۰ میلیون اینسانین اؤلومونه سبب اولان «ایسپان قریپی»، ۲ میلیون اینسانی اؤلدوره‌ن ۱۹۵۷-جی ایلده «آسییا قریپی» و ۱۹۶۸-جی ایلده ایسه ۱ میلیون اینسانین اؤلومونه سبب اولان «هونک کونگ قریپی» اولوب.