عنعنه‌وی ایچکیمیز اولان چای چوخسایلی فایدالی و معالجه‌وی خصوصیتلرله زنگیندیر. لاکن بیر سیرا خسته‌لیکلر زمانی بو ایچکینین مصرفی زیانلیدیر.

Kult.az خبر وئریر کی، گاستریت، معده و ۱۲ بارماق باغیرساغی خوراسی، رفلوکس کیمی هضم سیستمی خسته‌لیکلری زمانی، خصوصیله اونلارین کسکینلشمه‌سی دؤورونده چایین استهلاکی زیانلیدیر. چای معده‌نین تورشولوغونو آرتیریر کی، بو حال دا خسته‌لیین گئدیشاتینی آغیرلاشدیریر.

-بعضی بؤیرک خسته‌لیکلری، بؤیرک داشی خسته‌لیی زمانی چایین استهلاکینی آزالتماق لازمدیر. سیدیک‌قوووجو تأثیره مالک اولان چای بؤیرکلره دوشن گرگینلیی آرتیریر.

- یاشلی انسانلاردا سوموک خسته‌لیکلری (خصوصیله اوستوپوروز) زمانی چایین حدیندن آرتیق استهلاکی زیانلیدیر کی، چای سوموکلردن کالسیومون یویولماسینی ثرعتلندیریر .

- یوخوسوزلوق، آریتمییالار، هیپرتونییا زمانی دا چایین استهلاکی زیان وورا بیلر کی، ترکیبینده کافین اولان چای قیجیقلاندیریرجی تأثیر ائدیر و همچینین اورک دؤیونمه‌سینین تئزلیی و تضییقی آرتیریر.

- قان‌آزلیغی زمانی چای ایچمک توصیه ائدیلمیر کی، چای یئمکلردن دمیرین و زولاللارین منیمسنیلمه‌سینین قارشی‌سینی آلیر.

- حامیله‌لیک زمانی دا چایین استهلاکینی مینیموما چاتدیرماق لازمدیر کی، چای اورک و بؤیرک اوچون علاوه گرگینلیک یارادیر. حامیله‌لیک زمانی ایسه بو ارگانلار اونسوز دا علاوه گرگینلیکله چالیشیر. یاپون عالیملرینین آراشدیرمالاری گؤستریب کی، حامیله‌لیک زمانی چوخلو چای ایچن (بو هم قارا، هم ده یاشیل چایا عایددیر) قادینلارین اوشاقلارینین بدن چکی‌سی آز اولور.