دپرسییا حتی کؤرپه‌لرده ده گؤروله بیله‌ن بیر خسته‌لیکدیر. کؤرپه دپرسییاسی آلتینجی آیدان سونرا بیردن-بیره آنادان آیریلما زامانی باش وئریر.

Axar.az موضوع ایله باغلی تانینمیش پسیخولوق موژده یاحشینین آپاردیغی آراشدیرمانی تقدیم ائدیر.

پسیخولوق بیلدیریر کی، آنانین اؤلومو و یا اوزون مدت خسته‌خانادا قالماسی، باشقا شهر و یا اؤلکه‌ده یاشاماسی، اوشاغا باخا بیلمه‌یه‌جک قدر آغیر فیزیکی و یا روحی خسته‌لیین اولماسی کؤرپه‌لیک دپرسییاسینا سبب اولان عامللردیر. دپرسییا اینسان حیاتینین ایسته‌نیله‌ن مرحله‌سینده باش وئره بیله‌ن بیین خسته‌لییی‌دیر. یعنی، دپرسییا بینین کیمیوی ماده‌لرینده‌کی بالانس‌سیزلیق نتیجه‌سینده یارانیر و اینسانی بدبخت، حیاتا قارشی ایستکسیز ائدیر.

دپرسییایا دوشن اینسان باشینا گلن هر شئیه گؤره اؤزونو مسئول گؤرور و گناهلاندیریر. حیاتا همیشه منفی طرفدن باخیر. گله‌جکله باغلی گؤزلنتیلری اومیدسیز و بدبیندیر. او، دیرسیز و سئویلمه‌یه‌ن اولدوغونا اینانیر. بو سببدن حادثه‌لری اولدوغوندان داها شیشیردیلمیش گؤرور و نتیجه‌نی همیشه عمومیلشدیرمه‌لر ائد‌رک شرح ائدیر.