روسییا پالمیرانی آزاد ائدیب اسده اونا گؤره پئشکش ائتمه‌دی کی، سورییا اوردوسو یئنی‌دن شهری تئررورچولارا تسلیم ائتسین.

آخار. آز خبر وئریر کی، بو سؤزلری پولیتولوق ائلخان شاهین اوغلو بیلدیریب. سیاسی شرح‌چی روسییانین حلبین ایشید(داعش)-دن تمیزله‌نمه‌سی اوچون بؤیوک اینسانی و حربی رئسورسلار خرجلدیینی خاتیرلادیب:

«شهری آزاد ائتدیک‌دن سونرا ایسه روسییانین تئلئویزییا کاناللاری اصیل قلبه سئوینجی یاشادیلار، قربه گؤز داغی وئردیلر. روسییا پالمیرانی آزاد ائدیب اسده اونا گؤره پئشکش ائتمه‌دی کی، سورییا اوردوسو یئنی‌دن شهری تئررورچولارا تسلیم ائتسین. بونون قارشی‌سینی آلماق اوچون روسییا اوردوسو پالمیرانی بومبالاییر. بو گون ایلک دفعه‌دی کی، روسییانین «روسسییا» کانالینین آنا خبر پروقرامین‌دا سورییادا ساواشان روس خصوصی تایینات‌لیلارینی گؤستردیلر. آنجاق نه فایداسی؟ سورییا اوردوسو شهری قورویا بیلمیر. بو گون سورییانین ایکینجی بؤیوک شهری حلب ده روسییا اوردوسونون سایه‌سین‌ده آزاد اولونماق اوزره‌دیر. آنجاق تأمینات وارمی کی، سورییا اوردوسو پالمیرا کیمی حلبی ده یئنی‌دن تئررورچولارا تحویل وئرمه‌یه‌جک؟»

قئید ائدک کی، اؤتن گون سورییا حاکمیتی پالمیرا اوزرین‌ده نظارتین ایشید-این علینه کئچدیینی تصدیق ائدیب.