آنا صحیفه سیاست |
آمریکا، ایرانین ارمنیستانا ایخراج ائتدیی گاز اوزرینده سانکسییا تطبیق ائده بیلر!
آخار. آذ خبرت وئریر کی، آمریکانین نفوذلو "جون باتچئلور شوو" رادیو پروگرامینین رهبری جون باتچئلور آمریکانین دموکراتییالارین مدافعهسی فوندو آراشدیرما اینستیتوتونون بؤیوک علمی ایشچیسی بهنام بن طالبلودان مصاحیبه آلیب.
مصاحیبه زامانی بهنام بن طالئبلو جنوبی قفقازین هر زامان بؤیوک گوجلرین ماراقلارینین توققوشدوغو بیر رگیون اولدوغونو دقته چاتدیریب و ارمنیستان-آذربایجان داغلیق قاراباغ مناقیشهسی زامانی مسلمان شیعه اؤلکهسی اولان ایرانین روسییا یؤنوملو خریستیان ارمنیستانی دستکلدیینی قید ائدیب. او، پرزیدنت حسن روحانینین رهبرلیگی آلتیندا ایرانین هر زامان آمریکانین تطبیق ائتدیی سانکسییالاردان یایینماق اوچون یوللار آختاردیغینی و ارمنیستان کیمی مرکزی حکومتی ضعیف و آمریکانین سیاسی و اقتصادی تأثیر ایمکانلارینین آز اولدوغو اؤلکهلردن بیر واسطه کیمی ایستیفاده ائتمهیه چالیشدیغینی بیلدیریب.
بهنام بن طالئبلو جنوبی قافقازین روسییا، ایران و تورکییه ایله احاطه اولوندوغونو و رئگیون اولاراق چوخ واجیب گئوستراتژی مؤقعیه مالیک اولدوغونو بیلدیریب و بو رگیوندا یئرلشهن اؤلکهلردن یالنیز ارمنیستانین "آبمریکانین ماراقلارینا قارشی فعالیت گؤسترن "روسییا ایله و "تروریزمی دؤولت سوییهسینده دستکلهیهن" ایرانلا یاخین علاقهلره مالیک اولدوغونو دقته چاتدیریب. او، آمریکانین ایرانا قارشی تطبیق ائتدیی سانکسییالارین رئال نتیجه وئرمهسی اوچون یالنیز ایرانین اوزرینده دئییل، اونون قونشولوغوندا دا یئرلشن دؤولتلر اوزرینده ماکسیموم تضییق کامپانییاسینین آپاریلماسینین واجیبلیینی وورغولاییب و حاضردا دقت یئتیریلمهلی اولان مسئله نین آمریکانین ایرانین ارمنیستانا ایخراج ائتدیی گاز اوزرینده سانکسییا تطبیق ائدیب-ائتمیجیینین اولدوغونو بیلدیریب.
مصاحیبه زامانی، همچینین آمریکا کنگرسینین دموکرات عضولری آدام شیفف، فرانک پاللون و جکی ایسپیرین آمریکانین دؤولت و مدافعه کاتیبلرینه مکتوب یازاراق آمریکانین آذربایجانین دؤولت سرحدلرینین گوجلندیریلمهسی و ایرانین مومکون تجاووزوندن اؤلکهنی قوروماق مقصدیله آذربایجانا گؤستردیی حربی یاردیمین دایاندیریلماسینی طلب ائتدیکلری قید اولونوب.
تاریخ
2019.10.19 / 22:00
|
مولف
Axar.az
|