آنا صحیفه سیاست |
ایران اینقیلاب کئشیکچیلری کورپوسونون (سپاه) قدس بریگاداسینین کوماندانی، افسانوی گنرال قاسیم سلیمانینین بغداددا اؤلدورولمهسی بؤلگهده وضعیتی گرگینلشدیرهجک.
آخار. آذ خبر وئریر کی، بو سؤزلری پولویتوق ائلخان شاهینوغلو قئید ائدیب. او بیلدیریب کی، سلیمانینین اؤلدورولمهسی ایکی اؤلکه آراسیندا ساواشا سبب اولا بیلر:
«۳ گون اؤنجه آمریکا ایله ایرانین عراق اراضیسینده ساواشدیغینی یازمیشدیم. آمریکا عراقدا ایرانین دستکلدیی حزبوللاهین مؤقعلرینی بومبالادی، آردیندان آمریکانین بغدادداکی سفیرلیینه هجوم تشکیل ائدیلدی. واشینگتن سفیرلییه هجومون آرخاسیندا ایرانین دایاندیغینی ادعا ائدیر. مسئله بوراسیندادیر کی، بیر مدت اول ده ایرانین عراقداکی کونسوللوغونا هجوم ائدیلمیشدی. ایران دا کونسوللوغوا هجومون آرخاسیندا آمریکانین دایاندیغینی ادعا ائتدی. آمربکا ائله سلیمانینی ده محض اونا گؤره بغداددا راکت ضربهسی ایله اؤلدوردو کی، هامییا گؤسترسین کی، ائله آمریکا سفیرلیینه هجومون پلانینی بغداددا اولان سلیمانی پلانلاشدیریب. سلیمانی حقیقتا ایرانین عراق و سورییاداکی حربی بیرلشمهلرینی و سلاحلی طرفدار قروپلارینی ایداره ائدیردی».
پولیتولوقون سؤزلرینه گؤره، بئله بیر اؤنملی فیکورون اؤلدورولمهسینی تهران جوابسیز قویمایاجاق:
«تهران اینقتیقام سؤزو وئریر. تئررور ساواشی باشلایا بیلر. ایرانین آبش-آ بیرباشا الی چاتمیر. آنجاق تهران عراقدا، لیواندا و یا هانسیسا دیگر عرب اؤلکهسینده طرفدارلاری واسطهسیله آمریکانین منطقهسینه هجوم تشکیل ائده بیلر. قاسیم سلیمانی ایران اوچون بؤیوک فیقور ایدی. او بیرباشا ایرانین دینی لیدرینه باغلی گنرال ایدی. حتی دئییلیردی کی، سلیمانی حربی موندیرینی نه زامانسا سیاستچی قیافهسینه دییشسه آسانلیقلا ایرانین پرزیدنتی سئچیله بیلردی. بئله بیر فیقورون اؤلدورولمهسینی تهران جوابسیز قویمایاجاق. آنجاق مومکون جوابی دا آمریکا جوابسیز قویمایاجاق و بئلهجه بؤلگهده نلرین باش وئرجیینی پروقنوزلاشدیرماق چتین دئییل».
تاریخ
2020.01.03 / 12:00
|
مولف
Axar.az
|