ارمنیستان زنگزور یولونون آچیلماسینا راضیلیق وئرمه‌سه، یول ایران اوزریندن کئچه‌جک و ایران بو مسئله‌ده ماراقلیدیر.

Axar.az خبر وئریر کی، بونو تورکییه پرزیدنتی رجب طیب اردوغان آذربایجان‌دان رسمی سفردن قاییدان زامان ژورنالیستلره مصاحیبه‌سینده دئییب.

"آرزوموز بودور کی، بو یئرلری صولح دهلیزینه چئویره‌رک آچاق. هله ده محاربه‌نین حکم سوردویو دهلیزی تصور ائتمک ممکن دئییل. چونکی هم زنگزور دهلیزینی، هم ده لاچین یولونو صولح دهلیزی حساب ائتمک ایستییریکسه، بو مسئله‌نی هئچ بیر مناقیشه‌سیز، سس-کویسوز حل ائتملیییک. خصوصیله بونلارین رئلسلی سیستملر اولدوغونو نظره آلساق، تورکییه‌دن گلن قطار ارمنیستاندان کئچه‌رک آذربایجانا گئده‌جک. اگر ایروان بو مسئله‌یه راضیلیق وئرمه‌سه، یول ایراندان کئچه‌جک. ایران حاضردا بونا مثبت باخیر و اونا گؤره ده ایندی ایراندان آذربایجانا کئچمک امکانی یاراناجاق"، - تورکییه پرزیدنتی قید ائدیب.