سون ۵ ایل عرضینده آذربایجان سلاحلی قوه‌لری اؤز گوجونو بؤیوک درجه‌ده آرتیرمیشدیر. یئنی سلاحلار و تکنیکا ایله تجهیز ائدیلمیش اوردوموز بو گون ایسته‌نیلن وظیفه‌نی اجرا ائتمه‌یه قادیردیر.

Axar.az خبر وئریر کی، بو باره‌ده پرزیدنت ایلهام علیئو دنیا آذربایجان‌لیلارینین همرای‌لیی گونو و یئنی ایل موناسیبتیله مراجعتینده بیلدیریب.

"بیز سون ۵ ایل عرضینده هم یئرلی استحصال اولان سلاح و تکنیکادان استفاده ائد‌رک، عینی زاماندا، خاریجدن آلدیغیمیز سلاح و تکنیکانی اوردوموزون پوتنسیالینا علاوه ائد‌رک حربی گوجوموزو بؤیوک درجه‌ده گوجلندیره بیلدیک. سلاحلی قوه‌لریمیزین دؤیوش قابیلیتی بؤیوک درجه‌ده آرتدی، خصوصی تعینات‌لی قوه‌لرین سای ترکیبی بیر نئچه دفعه آرتیریلدی، یئنی یارادیلمیش کوماندو قوه‌لرینین سای ترکیبی مینلرله عسگر و ظابط‌دن عبارت‌دیر. بیز یئنی محاربه‌یه حاضیرلاشمیریق. بیزیم اوچون محاربه‌لر آرخادا قالدی. آنجاق بوگونکو دونیادا هر بیر اؤلکه ایلک نؤوبه‌ده اؤز تهلوکه‌سیزلییی حاقیندا جدی دوشونمه‌لی‌دیر. بوگونکو دنیادا بین‌الخالق حقوق نورمالاری ایشله‌میر، "کیم گوجلودور، او دا حاق‌لیدیر" پرینسیپی اساس پرینسیپ کیمی بیر چوخ اؤلکه‌لر طرفیندن قبول ائدیلیب. بوتون دنیادا گئنیش‌میقیاسلی سلاحلانما پروسسی گئدیر. بئله اولان حالدا، بیز هر آن اؤز اراضی بوتؤولویوموزو، سووئرئنلییمیزی، اؤز سئچیمیمیزی لاییقینجه مدافعه ائتمک اوچون حاضر اولمالیییق. وطن محاربه‌سی دؤورونده حربچیلریمیزین پشه‌کارلیغی، قهرمانلیغی، فداکارلیغی، خالقیمیزین یومروق کیمی بیرلشمه‌سی بیزیم غلبه‌میزی شرطلندیردی. الله بوتون شهیدلریمیزه رحمت ائله‌سین! اونلارین عزیز خاطره‌سی بیزیم قلبیمیزده ابدی یاشایاجاقدیر"، - دئیه دولت باشچیسی بیلدیریب.