آمریکا و اسرائیل ایرانلا محاربه‌نین سونراکی مرحله‌سینده یوکسک زنگینلشدیریلمیش اوران احتیاطینی قوروماق اوچون ایرانا خصوصی قوه‌لر گؤندرمه‌یی مذاکره ائدیرلر.

Axar.az خبر وئریر کی، بو باره‌ده «اکسیوس» اسرائیل و آمریکا منبع‌لرینه استنادلا معلومات یاییب.

سایت بیلدیریر کی، ماتریالی اله کئچیرمک اوچون هر هانسی عملیاتین کئچیریلمه‌سی و بؤیوک احتماللا محاربه‌نین اورتاسیندا آمریکا و یا اسرائیل قوشونلارینین ایران اراضی‌سینده، گوج‌لو شکل‌ده محکملندیریلمیش یئرالتی قورغولاردا حرکت ائتمه‌سی طلب اولوناجاق.

هله‌لیک معلوم دئییل کی، بو، آمریکا و اسرائیلین آیریلیق‌دا، یوخسا بیرگه میسیاسی اولاجاق. بیلدیریلیر کی، عملیات یالنیز ایران اردوسونون محاربه‌ده اشتراک ائد‌ن قارشی قوه‌لره جدی تهلوکه یاراتمایاجاغینا امین اولوندوقدان سونرا حیاتا کئچیریله‌جک.

اسرائیل مدافعه رسمی‌سی قید ائدیب کی، ترامپ و کومانداسی خصوصی میسیالار اوچون ایرانا خصوصی عملیات بؤلمه‌لری گؤندرمه‌یی جدی شکل‌ده نظردن کئچیریرلر.

آمریکا رسمی‌سی ایسه آدمینیستراسییانین ماتریالی ایران‌دان تمامیله چیخارماق و یا یئرینده دورولاشدیرماق اوچون نووه متخصصلرینی جلب ائتمک واریانتلارینی مذاکره ائتدیینی بیلدیریب.

قید اولونور کی، میسیا احتمال کی، آتوم انرژیسی اوزره بین‌الخالق آگنتلیکدن عالیملرله یاناشی، خصوصی اپراتورلاری دا احاطه ائد‌جک. مسئله‌دن خبردار اولان ایکی منبع بیلدیریب کی، بو جور عملیاتلار محاربه‌دن اول ترامپا تقدیم ائدیله‌ن سئچیملر سیاهی‌سیندا موجود اولوب.