ایران بو تکلیف اوچون چوخ اویغون زامان سئچیب، چونکی حاضردا بو اؤلکه‌نین باشی اوزرینده یئنی‌دن قارا بولودلار دولاشماغا باشلاییب.

بو سؤزلری آخار. آذ-آ پولیتولوق نزاکت ممدووا ایرانین باکی-تیفلیس-قارص دمیر یولونون تبریز شهرینه قدر اوزادیلماسی تکلیفینه موناسیبت بیلدیررکن دئییب. او وورغولاییب کی، ترامپ آدمینستراسییاسینین هله قارشیداکی ایللرده فؤوق الدؤولته باشچیلیق ائدجیی نظره آلینارسا، ایران یاخین ایللر اوچون مومکون بین الخالق تجریددن چیخیش یوللاری آختارمالی‌دیر:

«روسییا و تورکییه ایله سون دؤورلرده یاخشیلاشمیش علاقه‌لردن ساوایی بونلاردان ان مقصده اویغون اولانی هم ده آوروپا بیرلیگی ایله علاقه‌لرین درینلشمه‌سیدیر. هم روسییا، هم تورکییه، هم آوروپا بیرلیگی ایرانین تجرید اولونماسینا قارشی چیخیرلار. حتی ایرانین بین الخالق سانکسییالارا معروض قالدیغی ایللرده خصوصاً روسییا و تورکییه اونونلا امکداشلیغی دایاندیرمادیلار. روسییا بوشهرده صولح مقصدلی نووه تخنولوگییالارینین اینکیشافینا کؤمک ائتدی، ایرانا اس-۳۰۰ کومپلکسلری و باشقا سلاحلار ساتدی. تورکییه ده عینی درجه‌ده ایرانا دستک اولدو».

پولیتولوگ قید ائدیب کی، بو گون آمریکادا آپاریلان رضا ضراب محکمه‌سی تورکییه‌نین سانکسییالار رئژیمی دؤورونده ایرانا کؤمک ائتدیی احتیمالینا اساسلانیر:

«آوروپا بیرلیگی ده همچینین ایرانین تجرید اولونماسینا، اقتصادی تضییقلره معروض قالماسینا قارشی اولوب و ایندی ده قارشیدیر. ایران اونلار اوچون بؤیوک اقتصادی، انرژی طرفداشیدیر. آمریکانین نووه سازیشینی پوزاجاغی هده‌لرینه آوروپا بیرلیگی ده قارشی چیخیر. بیرلیین کومیساری خانیم موگرینی ایران‌دا سفرده اولدو. ایرانلا همرای مؤقع نوماییش ائتدیردی. بو دا اونو گؤستریر کی، حاضردا فاکتیکی اولاراق آمریکا ایسرایل بیرلیگی آوروپا بیرلیگی-ایران بیرلیگی ایله قارشی-قارشییادیر. اودور کی، ایرانین چین‌دن آوروپایادک بؤیوک بیر جغرافییانی بیرلشدیره‌ن باکی-قارص لاییحه‌سینه قوشولماق ایسته‌مه‌سی اونون آوروپا ایله بیرلشمک، اؤز سیاسی، اقتصادی، تیجارت، نقلیات-کومونیکاسییا علاقه‌لرینی آوروپایادک گنیشلندیرمک پلانلاری ایله باغلی‌دیر. عینی زاماندا، ایران بونونلا چین، اورتا آسییا، آذربایجان، گورجوستان، تورکییه کیمی «دمیر ایپک یولو»نون اوزرینده‌کی بوتون ایشتیراکچی اؤلکه‌لرله ده علاقه‌لرینی یاخشیلاشدیرا بیلر».

پولیتولوگ وورغولاییب کی، آرتیق پاکیستانین دا باکی-قارصا قوشولماسی موذاکیره اولونوب:

«نظره آلساق کی، آذربایجان، روسییا و ایران پرزیدنتلری بو یاخینلاردا هم ده شیمال-جنوب لاییحه‌سی مسئله‌سینی موذاکیره ائتمیشدیلر، دئمک، ایران مومکون بوتون کومونیکاسییالارا قوشولماق، بونونلا دا بین الخالق عالمه چیخیش ایمکانلارینین محدودلاشدیریلماسینین قارشیسینی آلماق ایستییر. پاکیستانین دا بو لاییحه‌یه قوشولماق ایسته‌مه‌سی آرتیق نینکی چین و آسییانین، حتی جنوبی آسییا رگیونونون دا لاییحه‌یه قوشولماسی دئمک اولاردی. بو دا باکی-قارصین بین الخالق اهمیتینی داها دا آرتیریر».

قید ائدک کی، اؤتن گون ایرانین یول و شهرین اینکیشافی ناظری عباس آخوندی باکی-تیفلیس-قارص دمیر یولونون تبریز شهرینه قدر اوزادیلماسینی تکلیف ائدیب.