آنا صحیفه توپلوم |
خبر وئردییمیز کیمی، گونئی آذربایجانین «تراختور» فوتبول کومانداسینین اویونچوسو مهدی ببری اینستاگرام صحیفهسینده گؤرونتو پایلاشاراق تورکییهنین سورییانین شیمالیندا کئچیردیی آنتیترور عملیاتینا دستک نوماییش ائتدیردیی اوچون ایران فوتبول فدراسییاسی طرفیندن جزالاندیریلیب.
آخار. آذ خبر وئریر کی، تورکییه پایتاختی آنکارانین کئچمیش بلدییه باشقانی ابراهیم ملیه گؤکچک Twitter صحیفهسینده بو مسئلهیه اؤز موناسیتینی بیلدیریب.
«ایران فوتبول فدراسییاسی «باریش پیناری» عملیاتینی دستکلهمک مقصدی ایله سوسیال شبکهده صحیفهسینده تورک بایراغی و عسگرینین شکیلینی پایلاشان فوتبولچو مهدی ببرییه ایدمان میدانلارینداکی فعالیتینه قاداغا قویوب. آر اولسون سیزه!
بو اویونچو ان قیسا زاماندا بیر تورکییه کلوبونا ترانسفر ائدیلمهلیدیر.»- دئیه او قئید ائدیب.
ابراهیم ملیه گؤکچک اؤتن گون نؤوبتی دفعه بو مسئلهیه موناسیبت بیلدیریب. او صحیفهسینده یایدیغی پوستدا قئید ائدیب: «بو آییب ایرانا یئتر. ایران بو یانلیشلیغی دوزلت. تورکییه غربه قارشی هر زامان ایرانین یانیندا اولدوغو زامان، سیز بئله بیر آیری-سئچکیلییه نئجه یول وئره بیلرسینیز؟»
تاریخ
2019.10.21 / 20:25
|
مولف
Axar.az
|