شاهید علوی آدلی شرح‌چی ب. ب. ج تله‌کانالینین «پرگار» وئرلیشینین قوناغی اولوب.

آخار. آذ خبر وئریر کی، او، وئریلیش‌ده ایران‌دا فارس دیلینین حاکم دیل اولاراق دیگر دیللری سیخیش‌دیرماسین‌دان دانیشیب.

علوینین فیکیرلرینه گؤره، میللی وارلیقلاری، آنا دیلی و مدنیتی تهلوکه‌ده اولان غیری- فارسلارین بو یول‌دا مباریزه‌لری تقدیره لاییقدیر.

«اونلار اصل خادیم‌دیر. اما فارس مدنیت باخیمین‌دان خاین آدلانیر. بورادا یاشایان باشقا میللتلرین مدنیت و دیللرینی فارسلاشدیرماغا جهد ائدیرلر. فارس مدنیتی حاکم اولدوغون‌دان باشقالارینا مجبوری شکیل‌ده یئریدیلیب. اؤلکه‌ده تورک، عرب، لور، بلوچ، کورد و باشقا ائتنیکلری زورلا فارسلاش‌دیرماق ایستییر. بو ایسه آشکار «سویچو»لوق دئمکدیر»، – او بیلدیریب.