ایران مدیاسی و سوسیال مدیا شبکه‌سینده آنتی‌سمیتیزم تبلیغاتی گوجلندیریلیب.

Axar.az خبر وئریر کی، ایرانین اکثر مدیا ارگانلاریندا پایلاشیلان معلوماتلاردا یهودیلرین ایران‌لیلارا قارشی سویقیریم تؤرتدیکلری باره‌ده ماتریاللار یاییلیر.

معلوماتلاردا یهودیلرین هر ایلین ۸ مارت تاریخینده کئچیردیی «پوریم» بایرامینین ماهیتی تحریف ائدیلیر.

ایران مدیاسی «پوریم» بایرامینی هخامنشی دؤورونده ۷۶ مین ایرانلینین یهودیلرین الی ایله اؤلدورولدویو گون کیمی قلمه وئریر.

قید ائدک کی، ایراندا، تخمیناً، ۱۱۰ مین جیواریندا یاشایان یهودینین اکثریتی ۱۹۷۹-جو ایل انقلابیندان سونرا اؤلکه‌نی ترک ائتمه‌یه مجبور اولوبلار. حاضردا ایراندا قالان، تخمیناً، ۲۰-۲۵ مین جیواریندا یهودی اجماع‌سینین بیر قسمی کیم‌لیکلرینی گیزله‌دیر، گیزلتمه‌ینلر ایسه داواملی تضییق و آیری-سئچکیلکله اوزلشیرلر.

اونلارین سربست یاشاییش و ایشله‌مک حقوقلاری یوخ سویه‌سینده‌دیر.