ایران حکومتی طالبان و القاعده ایله گیزلی آنلاشما اساسیندا القاعده‌نین افغانیستان‌داکی دوشرگه‌لرینده تعلیم کئچیر و بو تشکیلاتین بؤلگه‌ده‌کی ترور عملیاتلارینی مالیله‌شدیریر.

Axar.az خبر وئریر کی، بو باره‌ده افغانیستان بیرلشمیش جبهه‌سی معلومات یاییب.

«۲۰۲۱-جی ایلین اوکتیابر آییندا سپاه-ین قدس قوه‌لرینین کوماندیری اسماعیل قاآنی، طالبان حرکاتی‌نین نماینده‌سی و القاعده‌نین لیدری سیف العدل تهراندا گیزلی گؤروش کئچیریب، یاخین شرق و آفریکاداکی القاعده و سپاه-آ باغلی گروپلارین بوتون قوللارینین بیر-بیری ایله امکداشلیق ائتمه‌لری باره‌ده راضیلیغا گلدیلر»، - معلوماتدا بیلدیریلیب.

معلوماتا گؤره، بو گیزلی گؤروشده طالبانین القاعده دؤیوشچولرینین افغانیستاندا یئتیشدیریلمه‌سی اوچون لازیمی مکان و واسطه‌لرین تامین ائتمه‌سی، سپاه-ین ایسه بو گروپون خرجلرینی اؤد‌مه‌سی باره‌ده راضیلیق الده اولونوب.

افغانیستان بیرلشمیش میللی جبهه‌سینین معلوماتینا گؤره، بو، سپاه، طالبان و القاعدنین اوچ یوکسک روتبه‌لی رسمیسی آراسیندا قیده آلینمیش ایلک اوزبه‌وز گؤروش اولوب.

قید ائدک کی، بوندان اول ایران حکومتی ایله القاعده آراسیندا سیخ علاقه اولدوغونا دایر معلومات یاییلمیشدی.