«گیتارام و سلاحیم» («ال ماریاشی») روبرت رودریگسین چوخ آز مالییه حسابینا عرصه‌یه گتیردیی ماجرا فیلمی‌دیر.

آخار. آذ خبر وئریر کی، ۱۹۹۲-جی ایلده ۷ مین دوللارا عرصه‌یه گلن فیلمین باش رول ایفاچیسی کارلوس قاللاردودور. بارلارداکی ایفاسینا گؤره آلدیغی بخشیشلرله حیاتینی کئچیرن گنج گیتاراچی سون گئتدیی قصبه‌ده حیاتینین سئوگیسی و لعنتینی تاپیر. فیلم ائله ده بؤیوک شهرت قازانا بیلمیر. فیلمین ایکینجی سرییاسی اولان «دسپرادو» ایسه بؤیوک ماراقلا قارشیلانیب، سئویلیب، ایزلنیلیب.

«دسپرادو» ۱۹۹۵-جی ایلده روبرت ردروگسین رژیسسورلوغو ایله چکیلیب. فیلمین باش رولوندا آنتونیو باندراس و سلما هایئک اویناییب. فیلمده ماریاشینین (آ. باندراس) عادی بیر حیات طرزی وار و او، گیتاراسی ایله سییاح کیمی حیات سورور. لاکین بیر گون یئنی تانیش اولدوغو سئوگی‌لی‌سی عینا اؤزو کیمی گیتاراسی ایله گزن سیلسیله قتللر تؤره‌دن قاتیل طرفیندن اؤلدورولور. اؤلدورولن سئوگی‌لی‌سینین اینتیقامینی آلماق اوچون آند ایچن ماریاشی آرتیق بیر اؤلوم ماشینی کیمی اولور.

آنتونیو باندراسین باش رولونو ایفا ائتدیی «دسپرادو» فیلمی ۱۹۹۵-جی ایلده ان چوخ ایزلنیلن فیلم اولور.

افسانوی گیتارالی قهرمانین ماجرالاریندان بحث ائد‌ن فیلمین ۳-جو حیصه‌سی «بیر زامانلار مکزیکادا» آدلانیر. بو بؤلومده ده ماریاشینین ماجرالارینین آرخا پلانیندا غضب، حیرص و اینتیقام دایانیر. باشینا گلنلردن دولایی اؤزونه قاپانان و اوزون مدت گیزلنن ماریاشی بیر گون گیزلندیی یئردن چیخماق مجبوریتینده قالیر. اونون اورتایا چیخماسی «باریلو» آدلی قاتیلین مکزیکا پرزیدنتینه یؤنلمیش سوء-قصدینین قارشیسینی آلماق مقصدی گودسه ده، ماریاشینین گئری دؤنوشونون داها بیر سببی ده وار: قان داواسی…

قید ائدک کی، فیلمین هئچ بیر سریاسیندا قهره‌مانین آدی – ماریاشی سسلنمیر.