واجب شکلی

تبریز دیالئکتینده واجب شکلی – ماخ، - گرخ (اولماخ، گرک، گئتماخ)، گرخ – آ، ه (گرخ آلام)، گرخ- مالی، ملی (گرخ چاتدیرمالی) و مالی، ملی (تاپمالی، دوزملی) فورمالاری ایله افاده اولونور. بو فورمانین بیرینجی طرفی مصدر، ایکینجی طرفی گرخ اداتیندان عبارت اولور. مثل: بابا گون چیحمامیش یوللانماخ گرخ..

تبریز دیالئکتینده واجب شکلینین گرخ – آ، ه فورماسی گئنیش یاییلمیشدیر. مثل: گرخ بی ایکی اوز تومنه کیمی خش قویاسان.

بیر سیرا حاللاردا گرخ تبریز دیالئکتینده گرک اداتینین عوضینه حتما سؤزو ایشلنیر. بو سؤزون ایشلنمسی معنایا خلل گتیرمیر، واجبلیک مضمونونو قوتلندیریر.مثل: سو:را فرشدی، قاب-قاجاقدی، پالتاردی- بیلاری دا حتما وئره، بیلار لازیمدی.

بو دیالئکتده واجبلیکلیک آنلاییشی گرخ اداتی ایله –مالی، ملی شکیلچیسینین بیرلشمسی یولو ایله عمله گلیر. مثل: بی بئله یالوار- یاخارنان گلمیشدی بیرا, گرخ گلملییدی بی..

تبریز دیالئکتینده (مالی، ملی) شکیلچیسینینده اساس وضیفه سی واجبلیک بیلدیرمکدیر. مثل: آی دؤحدور، نه قده یاتمالیدی مریض بیردا؟

بعضن تبریز دیالئکتینده (مالی، ملی) و گرخ آ، ه فورمالارینین پارالئل ایشلندییینی گؤرمک ممکندور. مثل: دیشیم سانجدی، چحدیرملیییم و یا گرخ چخدیرم..

(مالی، ملی) شکیلچیلی فعللرین انکاری دییر سؤزونون واسطه سیله عمله گلیر. مثل: سن داداشوون دالیینان گئتملی ده ییردین. اوقلان قیزی گؤرملی دییر.