آ) یییه لیک اکیندن (پسونددن) اؤنجه کی کلمه قالین حرفلر (a, o, u,ı) ایله سونا چاتارسا، کلمه نین بیتیشیک یازیلماسی داها دا اوخوناقلی اولار. اؤرنک اولاراق:

آتا (ata):

آتام، آتان، آتاسی، آتامیز، آتانیز، آتالاری.

اولو (ulu)

اولوم، اولون، اولوسو، اولوموز، اولونوز، اولولاری

یاخشی (yaxşı)

یاخشیم، یاخشین، یاخشیسی، یاخشیمیز، یاخشینیز، یاخشیلاری

...

ب) یییه لیک اکیندن (پسونددن) اؤنجه کی کلمه اینجه (ə) حرف ایله سونا چاتارسا، یییه لیک بیر حرفلی اولارسا، کلمه نین بیتیشیک یازیلماسی اوخوناقلی اولار. آنجاق بیردن آرتیق ایکی، یوخسا اوچ ... حرفلی یییه لیک اکی گلرسه، یییه لیگین آیری یازیلماسی اوخوناقلی اولار؛

اؤرنک اولاراق کؤلگه (kölgə):

کؤلگم، کؤلگن، کؤلگه سی، گؤلگه میز، کؤلگه نیز، کؤلگه لری!

باشقا دوروملاردا بیرلشیک یازیلماسی داها دا اوخوناقلی اولار:

اؤلو (ölü)

اؤلوم، اؤلون، اؤلوسو، اؤلوموز، اؤلونوز، اؤلولری

اورون (ürün)

اورونوم، اورونون، اورونو، اورونوموز، اورونونوز، اورونلری

دیری (diri)

دیریم، دیرین، دیریسی، دیریمیز، دیرینیز، دیریلری