بو گون گونئی آذربایجان‌دا آذربایجان تورکجه‌سینین رسمی دیل اعلان ائدیلدیی گوندور

Axar.az خبر وئریر کی، ۱۹۴۶-جی ایل، یانوارین ۶-دا آذربایجان دیلی جنوبی آذربایجان‌دا رسمی دولت دیلی اعلان اولونوب. بوتون دولت ایداره‌لرین‌ده یازیشمالار، مکتبلرده تدریس، نشریات ایشلری آذربایجان دیلینده آپاریلمالی ایدی.

غیری- آذربایجان‌لیلارا دا تورک دیلینی اؤیرنیب اوندان بهره‌له‌نمه‌سی اوچون شرایط یارادیلیب.

آذربایجان میللی حکومتی معاریف ناظیرلیینین بیر نمره‌لی امری ایله مکتبلرده تدریس، دولت ایداره‌لرین‌ده دانیشیق و یازیشمالار، آنجاق رسمی دولت دیلینده آپاریلمالی ایدی.

پیشه‌وری آنا دیلینین مکتب و تدریس موسسه‌لرینده ایشلدیلمه‌سینه، بو ساحه‌ده موجود چتینلیکلرین تئز آرادان آپاریلماسینا خصوصی دقت آییریب. او، ملی و دولت مکتبلرینده تعلیم و تربییه‌نین آذربایجان دیلینده آپاریلماسی، معاریف ناظیرلیینین ترکیبین‌ده «درس کیتابلاری حاضرلایان شعبه»نین یارادیلماسی ایله باغلی فیکیر ایر‌لی سورور. همچینین، الیفبادان علاوه، ادبیات، تاریخ، ریاضیات، فیزیکا، جغرافییا و س. فنلر اوزره کیتابلارین حاضیرلانیب چاپا وئریلمه‌سی، درسلیکلر حاضرلایان شعبه‌یه تجروبه‌لی، معلوماتلی و سوادلی شخصلرین جلب ائدیلمه‌سی تکلیف اولونوب.

قئید ائدک کی، درس‌لیکلر حاضرلایان شعبه ۵ گون عرضین‌ده خرجلنه‌جک پول و وسایتین میقدارینی معینلشدیره‌رک، ابتیدایی صینیفلر اوچون آذربایجانجا درسلیکلری حاضرلاییب، چاپ ائتدیرمه‌لی ایدی. همین دؤورده ۷ جیلددن عبارت «آنا دیلی» آدلی متودیک درس وسایتی چاپ اولونور. سونراکی دؤورلرده آذربایجان دیلینی اؤیره‌نمک اوچون بو وسایتدن گیزلی شکیلده ایستیفاده ائدیلیب.