شرط شکلی

تبریز دیالئکتینده ده شرط شکلی "سا، سه" شکیلچیسیله افاده اولونور. بو شکیلچینین عمله گتیردییی شرط مضمونلو فعللر بیرینجی شخصین تکینه عاید اولدوقدا – م، جعمینده – خ شخص شکیلچیلرینی قبول ائدیر. مثل: گؤرساخ، قئینتساخ، اوتوزساخ..

تبریز دیالئکتینده شرط شکلینین بیرینجی شخص جعمینده اینجه صایتلی سؤزلردن سونرا دا شکیلچینین یالنیز قالین صایتلی واریانتی- سا ایشلنیر. مثل: گولساخ، یئتیشساخ، پیشیرساخ، گؤرساخ..

ایکینجی شخصین تکینده – ن، جعمینده – ز شخص شکیلچیلری ایشلنیر. مثل: گییسن، اونوتسا:ز، گؤروشسز. بعضا ایکینجی شخص جعمده شرط شکلینین – سو ایله افاده اولونماسینا دا تصادف اولونور. مثل: ایسته سوز، ایشله سوز..

اوچونجو شخصین جعمینده- لا، له شکیلچیسی ایشلنیر. مثل: باخسالا، ئینتسه له، گلسه له..

شرط شکلینین انکاری ما، مه شکیلچیسینین کؤمییله دوزلیر.مثل: گیزله مه ساخ، ائشیتمه سن..

فعلین بو شکلینین مرکبینده سؤزون سون صایتیندن آسیلی اولمایاراق، سا شکیلچیسی – سه شکلینده اؤزونو گؤستریر. مثل: بولسئیدوخ، آیریلسئیدین، یوللاسئیدی.. شرط شکیلچیسی عینی سؤزله ایکی دفعه تکرار اولونور. مثل: ایت اولماسئیدیسا، قویونی داقیدیر جناوار.. او قالسئیدیسا درماننارین وختی کئچردی، اودی کی، دوردی گئتتی.. بئله نمونه لرده سا، سه شرط معناسینی قووتلندیرمه یه خدمت ائدیر.

تبریز دیالئکتینده بعضن سا، سه شکیلچیسی دوشور، لاکن بو جمله نین شرط معناسینا خلل گتیرمیر. مثل: سنین سؤزلریننن بیر کلمه آننادیم، الیمنن آلسین...