باغلاییجی

باغلاییجی معین خصوصیتلره مالک اولان کمکچی نطق حصه لریندن بیریدیر.

١- هم، هم ده. بو باغلاییجی ادبی دیلیمیزده اولدوغو کیمی، تبریز دیالئکتینده ده اشتراک بیلدیریر. مثل: هم یالانچی آداملاردی، هم ده جماعتین آراسیندا بئله تانینمیشدی.

تبریز دیالئکتینده هم، هم ده باغلاییجیسینین همی شکلینه ده تصادف ائدیلیر. مثل: همی گؤزوم سنده دی، همی قولاقیم سنده دی.

٢- یا، یا دا. بؤلوشدورمه بیلدیرن یا، یا دا باغلاییجیسی تبریز دیالئکتینده ده فعال مؤوقعه یه مالکدیر. مثل: تویدا تویوخ وئریلر، یا مال اتی قیزدیریپ وئریلر، یا دا پلو:..

٣- نه، نه ده. تبریز دیالئکتینده گئنیش یاییلمیش باغلاییجیلاردان حساب اولونور. مثل: نه حاکم بیلر، نه ده شاه. .

٤- اما. مثل: دوزین ایستسن یوموتدییان تویخلارین وضعی چوخ یاخچیدی، اما اتدیخ تویخلار ناخوشدولار.

۵- گینه. یئنه باغلاییچیسی تبریز دیالئکتینده فونئتیک ده ییشیکلییه اوقرایاراق، گینه فورماسیندا ایشلنیر. مثل: جمشید گینه گؤردی من آغلیرام قئییتدی.

۶- گاهدان. گاه باغلاییجیسینین بو فورماسی تبریز دیالئکتینده خصوصی مؤوقعه یه مالکدیر. مثل: بو تک جانیننان مال- داوار ساخلیسان، گاهدان بوستان اکیسن.

۷- چون. مثل: بوغدانی الینن بیچیردوخ، چون زمیلر خیردا ایدی.، کومباین ایشلمیردی.

٨- اونا گؤره کی. مثل: بولورم ده دن ایستیر سنی اؤزیینن آپارماسین، اونا گؤره آغلیسان. تبریز دیالئکتینده بیر سیرا حاللاردا اونا گؤره باغلاییجیسینی "او جهته" فورماسی عوض ائدیر. مثل: پروردیگرا، چون چیلپاغام، او جهته اوتاننام، حضورا گلم.

٩- کی. نه یاخچی اولار کی، گلن هفته ده ائله بئله بو جور اوتوراخ. نادر حاللاردا "کی" باغلاییجیسی دوشور. اما بو جمله نین معناسینا تاثیر گؤسترمیر. نادر حاللاردا دوشننن کی باغلاییجیسینی آ، ه اداتی عوض ائدیر. مثل: سوروشور آ بو نه هنگامه دیر.

٠١ – ایر/ ایه. ادبی دیلیمیزدکی اگر باغلاییجیسی تبریز دیالئکتینده ایر/ ایه شکلینده دیر. مثل: رمزی اوستا ایر یاتمیییپ بی زحمت چاغیرون گلسین قاپیه..

١١- ولی. مثل: دوزدی، یاندیرروخ، ولی قضیه آیری بی ایشدی..