آذربایجان دیلینین قرامماتیکاسی.

آذربایجان تورک سؤزلرینین اکثریتی نئجه ائشیدیلیر او جور ده یازیلیر. مثلا: چاپ، دام، گؤز، ساغ
او کلمه لر کی آخرلری "ق"، "غ" ویا "خ" تلفظ اولور. اگر تک هجالی اولارسا "غ" یا "خ" و اگر ایکی و یا چوخ هجالی اولارسا "ق" شکلینده یازیلار. داها دقیق دئسک تک هجالیلاری ایشیتدییمیز کیمی، چوخ هجالیلاری یالنیز"ق" لا یازماق لازیمدیر.مثلا: چوخ، میخ، اوشاق، قولاق، قاچماق، چاناق
قالین سسلی مصدرلر(فعللر) "ق" و اینجه سسلیلر "ک" ایله قورتارار. مثلا: اوتورماق، یاتماق، گلمک، گؤرمک، گزمک، سئومک.
سؤزلرین سونونداکی "ق" حرفی ایکی سسلی آراسینا دوشسه "غ" حرفینه چئوریلر. :مثلا اوشاق-اوشاغی، دایاق- دایاغی
ایکی و چوخ هجالی سؤزلرین آخرینده کی "ت"حرفی ایکی سسلی آراسینا دوشنده "د" حرفینه چئوریلیر. مثلا: انوت- اونودور، قاچیرت- قاچیردیر. لاکن تک هجالی سؤزلرده "ت"حرفی ایکی سسلی آراسیندا دییشمز قالیر. ائت، گئت سؤزلریندن باشقا. گدیر- ائدیر
سؤزلرین آخرینده کی"ک" حرفی ایکی سسلی آراسینا دوشنده "گ-ی" شکلینه دوشوب هم بئله تلفظ اولونار هم ده یازیلیر.مثلا: چؤرک- چؤریی، امک- امیی=امگی
هر آذربایجان سؤزونون ترکیبینده "ق-خ-غ" سسلریندن بیری اولارسا او سؤزون سسلیلری قالین اولور. مثلا: قیزیل- آغاج- جوخور-اوتاق
هر بیرآدربایجان سؤزونون ترکیبینده "ک- گ" سسلری اولارسا، او سؤزون سسلیلری اینجه اولور. مثلا: پتک، گلین، گؤردوم، گوموش، گرک