تبریز جماعتی چوخ قوناقپرور و مهریباندیرلار. عینی عادت-عنعنه، عینی دیل و عینی یئمکلره مالیکیک. من تبریزده اولدوغوم ایکی گون‌ده ائله بیلدیم کی، باکی‌دایام.
کولت. آذ خبر وئریر کی، بونو مدنیت و توریزم ناظرینین معاوینی عدالت ولیئو تبریزه سفری زامانی شهر حاقیندا تصوراتلارینی بیلدیررکن دئییب. عدالت ولیئو تبریزده چوخلو سایدا موزه لرین اولدوغونو بیلدیریب و بورانی «ناغیللار شهری» آدلاندیریب.
شرقی آذربایجان ویلایتینین مدنی عابده‌لری قوروما، اینجه صنعت و توریست ایشلری اوزره ایداره‌سینین دیرکتورو مرتضی آبدار ایسه عدالت ولیئوی یولا سالان زامان ایکی میللتین مشترک مدنیت و عادت-عنعنه‌سینین تبریز-۲۰۱۸-این داها یوکسک سوییه‌ده کئچیریلمه‌سینه سبب اولاجاغینی قید ائدیب. او بیلدیریب کی، تبریز-۲۰۱۸ پروقراملاری چرچیوه‌سین‌ده آذربایجاندان گلن توریستلری تبریزله تانیش ائتمک ایستیقامتینده بیرگه فعالیت گؤستره‌جکلر.
ولیئو تبریزه ایکی گونلوک سفری زامانی آذربایجان تاریخ موزه یی، مشروطه موزه یی، قاجار، گؤی مسجید، شاعرلر قبری و همچینین کندووان تاریخی کندین‌ده اولوب.