آخار. آز کولیس. آذ-آ ایستینادا سامیره اشرفین «ان قیسا حکایه» مسابیقه‌سینه گؤندردیی «ایکی نفر» (۴۷۸ ایشاره) حکایه‌سینی تقدیم ائدیر.

مشه‌نین سونونا چاتاندا، ایکی نفر قالمیشدیق. من و طب باجی‌سی. اونون سئوگیلیسی اؤتن ایلین یازیندا مینایا دوشوب اؤلموشدو.

عسگرلرین اوندان خوشو گلیردی. منیم ده...

ساکیتجه یانیمدا ایلشیب دئدی:

-یقین بیزی اؤلدورجکلر.

-یقین... قورخورسان؟

جاواب وئرمدی. رنگی آغارمیشدی. خفیفجه تیتره‌ییب منه قیسیلدی. من ده اونو قوجاقلاییب اؤزومه طرف سیخدیم. بیر آز توخدایان کیمی اولدو. سونرا آتش سسلری ائشیدیلدی...

اؤزومه گلنده کؤکسومده‌کی سیزیلتییا حزین بیر آغیرلیق قاریشمیشدی. اونون ظریف بدنی جانسیز حالدا سینه‌مین اوستونه دوشموشدو. گؤزلریمی یوموب اؤلمک ایستدیم.