قاسیم بی زاکیر ۱۷۸۴-جو ایلده شوشا شهرینده دوغولوب. اونون اصلی قاراباغدا مشهور اولان جاوانشیرلر نسلیندن‌دیر. اولو باباسی کاظیم آغا شوشا شهرینین اساسینی قویان پناه خانین دوغما قارداشی‌دیر.

کولت. آذ شاعرین "دورنالار" شعرینی تقدیم ائدیر:

بیر ساعت هاوادا قاناد ساخلایین،
نیظام ایله گئدن قوشا دورنالار!
قاتارلاشیب نه دیاردان گلیرسیز
قاققیلداشا-قاققیلداشا، دورنالار؟

من سئومیشم اونون آلا گؤزونو،
نصیب اولا بیر ده گؤرم اوزونو،
یوخسا دانیشیرسیز دیلبر سؤزونو،
وئریبسینیز نه باش-باشا، دورنالار؟

دیاری-غربتده مدتدی وارام،
گئجه-گوندوز جانان دئییب آغلارام،
من ده سیزین کیمی قریبو زارام،
ائیلمیین مندن حاشا دورنالار!

لاچین یاتاغی‌دیر بیزیم مکانلار،
یاواش-یاواش گئدین سسینیز آنلار،
قورخورام توخونا اؤتن زامانلار،
سوربه‌نیز داغیلیب چاشا، دورنالار!

زاکیرم، اود توتوب آلیشدی جیگر،
وار ایسه جاناندان سیزده بیر خبر،
تغافول ائتمیین، اللهی سئور،
دؤنمه‌سین باغرینیز داشا دورنالار!