کولت. آذ رامیز رؤوشنین شعیرینی تقدیم ائدیر:

من سنی سئومیردیم... اما گئجیدی،
بیر بومبوش واغزالدی،بیر ده بیزیدیک...
یوخولو گؤزلرین گؤزومه دیدی،
یوخولو گؤزلرین ترتمیزیدی...

یوخولو گؤزلرین یوخو گؤروردو،
سن اؤزون ان شیرین یوخویدون آنجاق.
یوخولو گؤزلرین یوخو گؤروردو،
من سنین یوخوندا یوخویدوم آنجاق...

من گلن قطارین هاییندا ایدیم،
بیر سرین گئجیدی،بیر ایلیق نفس.
بیر ده کی، من سنین یانیندا ایدیم،
یاخیندا اولانلار یوخویا گیرمز...

سونرا قطار گلدی، یوخون داغیلدی،
ایستدیم سؤز دئیم، کاریخدیم یئنه.
قطار گئجیکیردی،من داریخیردیم،
سن میندین قطارا، داریخدیم یئنه...

او گئدن قطارین دالینجا باخدیم،
دئدیم، بو گئجه‌نی چتین دؤزرم.
بیر آز دا کئچسیدی آغلایاجاقدیم،
یاخشی کی،گولمییم توتدو اؤزومه...

سونرا دا یول بویو اوزاندی کؤلگم،
سونرا دا تک-تنها قاییتدیم ائوه.
او قطار،او گئجه، او دونیا بلکه،
تک بوندان اؤترویدو؛
من سنی سئوم...