کولت. آذ آذربایجانین گؤرکملی شاعری موسی یعقوبون "سن منیمله‌سه‌ن..." شعرینی تقدیم ائدیر:

نه یاخشی بیلمیسن خسته حالیمی

حقیقت ائیلدین خوش خیالیمی.

سنین نفسین‌دیر، سنین اللرین

اوخشاییر روحومو، اووور آلنیمی-

کؤورلتدی الیمی ایستی یاشلارین...

وار اول، بو ایسته‌یه، تماسا گؤره،

منیمچین اللها یالواریشلارین،

نه دئییم بو نزیر-نیازا گؤره؟..

من ایندی بیلدیم کی، سن منیمله‌سن...

نه شیرین ناغیلدی، نئجه خوش خیال،

سئهرلی اویغودو، اویغویا اویدوم.

دیک‌سین‌دی، تیتره‌دی، سویودو کؤنلوم.

سداقت ایستدیم،

یئل آلدی منی،

لئیلک یوواسین‌دا اویودو کؤنلوم -

من اوندا بیلدیم کی، سن منیمله‌سه‌ن.

کک‌لیک بالالاری فره‌له‌ن‌دیلر،

آنالاری باخیب فرحله‌ن‌دیلر.

بیردن قانادلانیب هوه‌سه گل‌دی،

بالالار هم داشدان-داشا اوچان‌دا،

گؤردوم یووا تیکن بیر قارانقوشو،

کؤنلوم بو قوشلارلا اوچدو یاناشی،

پاییز دورنالاری قوشا اوچان‌دا،

من اوندا بیلدیم کی، سن منیمله‌سه‌ن...

بو مهر کولیی یئرینه دوش‌دو،

چمنلر محببت سئهرینه دوشدو.

مه ووردو، چیچکلر گلدی باش-باشا،

نه یاخشی آرالار آرادان گئدیر،

قوشقونماز تیکانی سیرادان گئدیر.

دامجیلار سوزولور اوست‌دن آشاغی،

بوینو آغیرلاشان بنؤوشه‌لر ده

اؤزجه یارپاغینا باش قویوب یاتار.

هره همده‌مینی تاپیر دئیه‌سه‌ن

داشقاپان تایینی قاپیر دئیه‌سه‌ن-

باشینین آلتینا داش قویوب یاتار-..

من اوندا گؤرموشه‌م کؤوره‌له‌ن داشی...

اوندا خاطره‌لر دورور یاناشی،

من اوندا بیلدیم کی، سن منیمله‌سه‌ن...

ایساق-موساق قوشو نسه آختاریر،

دوشوب بیر دوغماجا سسه آختاریر

قوش دیلی بیله‌نلر روح دیلی بیلیر،

سولئیمان قوش دیلی بیلن واختلاری،

نیفرتین، پیسلیین اؤلن واختلاری،

گوللرین باش-باشا گلن واختلاری،

باخ، اوندا بیلیرم سن منیمله‌سه‌ن.

غضبلر یوخ اولوب ساواش بیته‌ن‌ده،

حاقین اتیینه علیم یئته‌ن‌ده،

بوینو آغیرلاشان او بنؤوشه‌لر

گلیر یانیما،

عشقی همیشه‌لر گلیر یانیما

من اوندا بیلیرم سن یانیم‌داسان.

اینصافلا ایشله‌سه ائلچی داشلاری،

مرحمت کؤنلومه جواب یازاندا،

ملکلر چینیمده ساواب یازان‌دا،

ییغیلار باشیما غم یولداشلاریم،

اومیدلر، ایشیقلار گلر یانیما،

بوتون یاخشیلیقلار گلر یانیما-

اوندا بیلیرم کی، سن یانیمداسان.

شاهداغی یانیندا سنم یایلاغی،

نه سنه‌م قوجالار، نه ده شاهداغی.

شاه قالار ابدی، سنه‌م ده قالار،

من اوندا قالارام، او من‌ده قالار.

یانیندا عائله‌لر دوشرگه سالار،

داغداکی لاله‌لر گلر یانیما،

عشقی پیاله‌لر گلر یانیما.

من اوندا بیلره‌م سن منیمله‌سه‌ن.

سن ائی ماوی گؤیلر،

سماوی گؤیلر!

گؤره‌سه‌ن گؤیلرین قفه‌سی وارمی؟

گؤره‌سه‌ن روحلارین نفه‌سی وارمی؟

اوفوق‌دن-اوفوقه اوچا بیلیرسه،

دورنا قاتارین‌دا نیزام قالاجاق.

بیزی او قاتارا یازان قالاجاق.

قالاجاق، محببت تزه قالاجاق!

صداقت رمزیدیر،

بیر یاشام طرزی،

لیلک یووالاری،

حاق طرزیسی،

بیر گؤزونده منم،

بیر گؤزونده سن،

یئر اوزونده منم،

گؤی اوزونده سن.

گؤیون آزادلیغی ساخلایار بیزی،

یئرین تاراضلیغی ساخلایار بیزی.

قالاریق یئر ایله گؤی آراسیندا،

گئدریک النمیش الکلر ایله،

گلریک قانادلی ملکلر ایله.

دئمه‌لی ابدی سن منیملسن...