کولت. آذ آذربایجانلی گنج شاعر الوین باکیروغلونون ایکی شعرینی تقدیم ائدیر:

منیم آدیم هر قادینین سینه‌سینه یازیلماز،

آدیم سنین نئجه قوندو سینه‌نه؟

منی نیه بئله راحت بوراخدین

دارماداغین، یئرله یئکسان، گجقوندو سینه‌نه؟

کیشی قادین، آدام قادین!

سئوگینین دقت، یاستیغین ویجدان اولدوغونو خاطیرلادان قادین...

ایندی من خوشبخت اولماق اوچون یوخ،

خوشبخت ائتمک اوچون یاشاییرام

تقویمین سون یارپاغینی.

سندن اؤیرندیم اینسانلیغین مقددسلیینی،

سندن اؤیرندیم کیشیلیین هامیلیغینی،

قادینلیغین هئچ کسلیینی.

تنها قادین، دیوار قادین!

گئجه‌نین قارانلیغینا هؤنکوره‌ن جاناوار قادین...

گؤزلرین سحرین ایلک ایشیقلاری...

***

آغ گون بیزدن بیر بینا آرالیدا یاشاییر -

«موتلو آپارتمانی»ندا

بیز یاشایان بینانین آدی «چیلم»دی

سحر گؤزومله گؤردوم

بیزیم بینا اییلیب سیزین بینایا ساری آغ گون دیلندی...

گونشین قاباغینی کسیر سیزین بینانیز، گون دوشمور بیزیمکینه

بیزیم بینایا کؤچسن بیتر بو ساواش آرتیق.

چوخ شئی ایستمیریک کی

جاماعات داغلار آشیر

سن بیزیم چون بیرجه بینا آش آرتیق.

هر دفعه عینی مارکت‌ده تصادفا گؤروشوروک

ایکی بینا آراسیندا راستلاشیریق

اوسته‌لیک

او آغ گون ده بزنیب سنینله چیخیر چؤله

نه واخت اؤپمک ایسته‌سم دوداقلارین قیرمیزی کارت گؤستریر...