کولت. آذ حسین رازینین "عؤمور" آدلی شعرینی تقدیم ائدیر:

نیمداش پالتار کیمی سؤکولور عؤمور،
آستاری بیر یانا، اوزو بیر یانا.
عمللر خلبیردن کئچیب اؤلچولور،
ایری‌سی بیر یانا، دوزو بیر یانا.

گونلر اؤتوشدوکجه ایل اولور آیلار،
ساعتلار جار چکیب بیزی هارایلار.
چکیر سرت یوخوشلار، یالچین دولایلار
حیاتی بیر یانا، بیزی بیر یانا.

عؤمور آماناتدیر، هدییه دئییل،

قایتاریر بیر نسیل، آلیر بیر نسیل،
وای او کسلره کی، یاشاییر یوز ایل،
دوشمییر عونوانی، ایزی بیر یانا.

او واخت کی، زحمتله گونلر اؤتوشور،
عؤموردن عؤمورلر اوسته گون دوشور.
روتبه کندیربازی بیر گون سوروشور،
کوساسی بیر یانا، اؤزو بیر یانا.

قوللوق اوربیتین‌ده قاناد چالماغین،
کؤلگه‌یه سیغینیب کؤلگه سالماغین،
خالق‌دان سوروشماییب وکیل اولماغین
آخیردا سوورولور توزو بیر یانا.

پولدور اوزرریی بد نفسلرین،
علاجی کارلیقدیر کوبود سسلرین.
بئینی معده‌سینده اولان کسلرین
سؤزو بیر یانادیر، گؤزو بیر یانا.

بعضا بوخوو اولور بیزه بیر عادت،
قیریب توللاماغا چاتمیر جسارت.
رازی، آمان وئرمه قووسون طبیعت
آلووو بیر یانا، بوزو بیر یانا.