کولت. آذ آذربایجان‌لی شاعر جلیل جوانشیرین "منی برک-برک قوجاقلا" شعرینی تقدیم ائدیر.

ایکیمیز ده گیلئیلی‌ییک – طالعدن، سئوگیدن، آداملاردان

بیر داها باتاق گوناها، سونرا توبه ائده‌ریک

اینسانلار اونوتقانسا، بیز نیه روح‌دان دوشک؟

گل یئنی‌دن آغلایاق، عذاب چکک،

گل بیر داها آلداناق، دوکتور

سونرا یئنه یورولاق،

سونرا بئزسک گئدریک...

گل بیر ده باتاق گوناها، سونرا توبه ائده‌ریک....

سنی ساده‌جه گؤزل گولوشلرینه گؤره سئوه بیلرم،

و بلکه ده

سنی ساده‌جه گؤزل گولوشلرینه گؤره سئویرم...

بیلمیرم

سن‌دن سونرا نه اولاجاق،

دوشونمورم

سن‌دن اؤنجه کیم وارسا اونوتموشام،

اؤزوم ده یاددان چیخمیشام، دوکتور

اؤزوم ده اونودولموشام...

من ایندی اوزگونم و روحوم پارامپارچادی

ایندی او درین باخیشلارینین دولانباجین‌دا آزا بیلرم.

سنین اویاق قالدیغین، آغلادیغین بوتون گئجه‌لره،

کئشیک چکه بیلره‌م، دوکتور.

سنه شعیر یازا بیلره‌م...

بو گون آنلادیم کی، دوکتور

منی بو سرسری اؤمرون سونونا سن اؤتوره بیلرسه‌ن...

هئچ واخت منیم اولمایان خوشبخت‌لیگی

گتیره بیلرسه‌ن...

منه بیر آز اومید وئر، یاشاماق یوخ، یاشلانماق اوچون...

بیرجه سؤزون بس ائدر

حیاتا برک-برک توتونماغا،

بیرجه گولوشون بس ائدیر،

هامینی سئومه‌یه...

سنی سئودیم کی دییشیم،

سئودیم کی، اومیدیم اولسون حیاتا باغلانماق اوچون...