آنا صحیفه ادبیات |
کولت. آذ صنعت آداملارینین ایفاسیندا بختیار واهابزادنین «بایراق» شعیرینی تقدیم ائدیر:
شعیرین سسلندیریلمهسینده خالق آرتیستی زولفییه خانبابایئوا، امکدار آرتیست رشاد هشیموو، تونزاله آغایئوا، موغهننی سامیره، میرکامیل کامیلوو، آکتیور جوشقون رحیموو، ائلمددین جفروو، آپاریجیلار شهریار ابیلوو، جاوید گول، نرگیز جلیلووا ایشتیراک ائدیر.
تورپاغیم اوستونه کؤلگهلر سالان
منیم وارلیغیمین جیلاسی-بایراق.
ظفردن دوغولموش،گؤیتورکدن قالان
قوردباشلی بایراغین بالاسی بایراق.
اوچرنگلی بایراغین کؤلگهسینده من
قاراجا تورپاغی وطن گؤرموشهم.
ظفر گوللرینی دؤوری-قدیمدن
بایراق ایشیغیندا بیتهن گؤرموشهم.
بایراق منلییمدیر، بایراق کیملییم،
بایراق-اؤز یوردوما اؤز حاکیملییم.
هاردا اجدادیمین آیاق ایزی وار،
بو ظفر بایراغیم اوردا دیکلسین.
کئچدیی یئرلرده داغلار، یاماجلار
اونون حضورونا سلاما گلسین.
تاریخدن قدیمدیر، زاماندان قوجا
منیم بایراغیما سانجیلان هلال.
عالمه نور ساچدی تاریخ بویونجا
معبدلر باشینا تاج اولان هلال.
دایم اوجالاسان! ساواش گونونده
عسگر سیلاحییلا سنی تن گؤروم.
یالنیز ظفر چالمیش شهید اؤنونده
سنی آلقیش اوچون اییلهن گؤروم.
تاریخ
2020.05.23 / 20:08
|
مولف
Axar.az
|