کولت آذ آذربایجانین گؤرکملی شاعیری ممد آرازین شعرینی تقدیم ائدیر:

بودا بیر میننت دیر، گؤروش میننتی
یورولدون، یئریدیک ایکیجه آددیم
اون ایلده بیلمه-دیک یول-یوخوش نه-دیر
بیر گونده اون ایلین یوخوشو چاتدی

دئیک، کئچمه-میشیک بو یولو، نئینک
بیر آن دا، گرکدیر خسته آداما
غفلتی اوز-اوزه گلمیشیک، دئیک
دئمه-یک غفلتی آیریلدیق آمما!

بئله ایکی-لیک ده اونسوز دا تک لیک،
اورک لر باش-باشا دئییلسه اگر.
گئری دؤن، قلبینی گتیر گؤروشه
بئله نیفرته ده، نیفرت دئمزلر.

بو گون دوداقلارین قاچسا دا، گولمور
دؤنوب گولوشونو گتیر گؤروشه
دیلیندن سؤز یاغمیر، سووال تؤکولمور
قاییت، اؤتن گونو گتیر گؤروشه

قاییت، انصافینی گتیر گؤروشه،
یول اوستده بیر تنها آغاج، سان منی
باری ایناندیرکی، تاسسوف ایله
کسیب، اوچوروما آتیرسان منی

سؤز سؤزده بیشمه سه، سؤز سؤزدن آجی
محبت‌ بودره-دی گؤز قاپالی دیر
کوسون وار آچیق دئ، ارکین وار آچیق
یالان دیل-یاراسی‌، دیل قاباری دیر

زامان نعره لری، قیی لاری اودور
هر هشیر-هارایی ائشیتمز زامان
منی ایناندیر کی محبت بودور
سعادت باشلانیر بو آیریلیقدان!