‍ کولت آذ آذربایجانین گؤرکملی شاعیری حسین جاوانین شعرینی اوخوجولارا تقدیم ائدیر:

دالغین باخیشلارین نه معنالی دی

قلبین اینتیظاردی بیلیرم قیزیم

دردلی کؤنول لردن آتان حالی دی

سولغون یاناغیندان گؤرورم قیزیم

خیالیم سئیر ائدیر آنا وطنی

گؤزلرین آختاریر بیلیرم منی

منده جان آتیرم گؤرمه یه سنی

سنسیزبیر ایل کئچدی گئجه م گوندوزوم

طالعین دن کوسمه اولما پریشان

پئشمان اولماز ائل یولوندا ووروشان

تاریخ سنی خالقا وئره جک نیشان

منیم ده بیر یوللوق گوله جک اوزوم

چتین گونلرینی بیل مووقتی

آت سن اوره یندن غمی موحنتی

ائلین محبتی ائلین حورمتی

یاشاداجاق سنی بیلیرم اؤزوم

گؤزون یول لاردادی قولاغین سس ده

قوش کیمی چیرپینیر قلبین قفس ده

وطن بایراغینی باشینین اوسته

ابدی قوراجاق آنا تبریزیم