کولت آذ گونئی‌لی شاعیر بولود مورادی‌نین شعرینی تقدیم ائدیر:

داریخیرام

آدسیز آغاجلارجا

بالتا فابریکاسینین رئکلامیدیر قیچیم

قولوم...

[ساری کؤینکلرده قالدی قولوم]

آسیقیدا یاشایان باباملا

له لک_ لئیلک داراشیب گئجه مه با!

( اوچماق یاساق، قاچماق یا.. یا ساق! یا سول..)

آیری یول سئچدیم تک یؤنلو حیاتدا: یاغمایان یاغیشین غملی داملالاری ایله

گؤیو گیزلتدیم جیبلریمده

خیردا پوللار قارا بالیغین هر یانیندان تؤکولرکن

صمدین یادینا دوشدومو گؤزلرینین اتفاقی

تک آداملیق بیر تقویمده

عاشیق اولدوغوم عصری قارالا

داریخ سونرا

دویمه لر کیمی

قوپ گؤیدن اوغلوم!

آمارا گؤره یئرسیز بیر یالقیزلیقدیر آدام

داها فازلا گؤیه ره جک گؤزلری....

سن منه باخما!