Axar.az
یوخاری
9 اییول 2020


دنیزی گؤیلردن آییرماق اولماز... - مشهور شاعر

آنا صحیفه ادبیات
12 Punto 14 Punto 16 Punto 18 Punto

Kult.az آذربایجان پویزییاسینین ان گؤزل سئوگی شعیرلری سیلسیله‌سین‌دن نبی خزرینین "دنیز، گؤی، محبت" آدلی شعرینی تقدیم ائدیر:

۱-جی

– دنیزی هدییه وئریرم سنه…
من دئدیم، سن باخدین، سن گولومسدین.
گؤیلرین شفقی دوشدو اوزونه.
– من ایسه… گؤیلری وئریرم، – دئدین…

آیریلدیق غریبه هدییه‌لرله،
گؤیلر عشقیم کیمی منه عزیزدیر.
آیریلدیق دنیزله، آغ لپه‌لرله،
نئجه آپاراسان؟ دنیز دنیزدیر.

دنیزی وئردیم کی، سنه هدییه،
گلدییم ساحله گله‌سه‌ن بیر ده.
منی گؤرمه‌یه‌نده او منه‌م – دئیه،
منیمله دانیشیب، گوله‌سه‌ن بیر ده.

– اگر گؤروشمسک، بیزه داغ اولار،
دئدیم، نئچه دفعه بئله دئدیم من.
دنیز ساحلینه قاییتماق اولار،
گؤیلرین ساحلی وارمی، گئدیم من؟!

دوشوندوم، آیریلدیق گلندن بری،
سن منیم عشقیمه چیراق اولاسان.
اونونچون وئردینمی منه گؤیلری،
مندن گؤیلر قدر اوزاق اولاسان؟!

۲-جی

من بیر دنیزه‌م کی، عشقیم سحردیر،
سنی دوشونوره‌م، عزیزیم، یئنه.
منیم دالغالاریم خاطره‌لردیر،
قوی چاتسین قلبینین
ساحللرینه.

اصل محبت کی، بؤیوک هونردیر،
جوشار عمان کیمی تزه آرزولار.
منیم دالغالاریم
خاطره‌لردیر،
اوردا توفان دا وار، بورولغان دا وار.

دنیزم، عشقیمدن قاچماق هدردیر،
من کی، آدلاییرام چؤلو، چمنی.
منیم دالغالاریم،
خاطره‌لردیر،
گئجه ده، گوندوز ده تاپاجاق سنی.

۳-جو

ایسته‌سه‌ن یوخونا گلره‌م سنین،
گلره‌م دنیز کیمی.
اوزونه اینجیلر چیلره‌م سنین،
چیلره‌م دنیز کیمی.
یولونا شفقلر سپره‌م هردن
سپره‌م دنیز کیمی.
ایسته‌سه‌ن اوزوندن اؤپره‌م هردن،
اؤپره‌م دنیز کیمی.
آدینی قلبینین ساحللرینه
یازارام دنیز کیمی،
«سئویرم» سؤیله‌سه‌ن بیر آخشام منه،
سوسارام دنیز کیمی،
سوسارام دنیز کیمی.

۴-جو

دونیادا ساکیتلیک آرامادیم من،
گونش کیمی پارلا،
سحر کیمی گل.
گؤیلرتک یوخوما گلمک ایسته‌سه‌ن،
سن آیلی، اولدوزلو گؤیلر کیمی گل.

آدلا قوجاغیندان گور توفانلارین،
من باخیم آخشامدان سحره کیمی.
آدلا آغ یولویلا کهکاشانلارین،
پارلاسین هر اولدوز خاطره کیمی.

گل، قیش گئجه‌سینده،
یاز سحرینده،
دنیزی گؤیلردن آییرماق اولماز!
سونسوز کایناتین اوفوقلرینده،
سن گؤروش واختینی شیمشکلرله یاز!
من گرک نغمه تک سنی دینله‌یه‌م،
سن منیم عشقیمله، اورییمله‌سه‌ن.

نه قدر گؤیلر وار، من سنینله‌یه‌م،
نه قدر دنیز وار، سن منیمله‌سه‌ن

تاریخ
2020.06.05 / 15:02
مولف
آیتاج آراز
شرح لر
دیگر خبرلر

" اوُز آنا دیلیمده سوُیله " دئیرم-شئیر

اما بو ماشین قزایا دوشسه، بیردفعه‌لیک اولاجاقسان! -حکایه

سون ۲۰۰ ایلین ان یاخشی غزلی – سید عظیم شیروانی‌دن

قونشو دئدی :آی بالا بو قازانچا نه دیر؟

آرزومو گونشین تلینه ساردیم-شعیر

نه ائده‌جه‌ييني،‌هاراسا گئده‌جه‌ييني‌ده آنلاميردي....- حکایه‌

خوشبختلیین سیرری... - مشهور یازیچینین حکایه‌سی

بیر دویو دنه‌سی اوچون بو قدر یورولماغا دیر؟ - حکایه

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

خبر خطّی
 
Axar.az'da reklam Bağla
Reklam
Bize yazin Bağla