Kult.az گونئی آذربایجان فولکلورون‌دان ملا نصرالدین لطیفه‌لرینه داخیل اولان "سن‌دن ده بئش کلمه سؤز سوروشماق اولمور" آدلی لطیفه‌نی تقدیم ائدیر:

ملا بیر گون آروادین‌دان سوروشور:

– آرواد، بیزیم بو قونشوموز دمیرچی احمدین آدی ندی؟

آرواد دئییر:

– آی کیشی، میه اؤزون دمیرسن احمد؟

ملا دئییر:

– بورا باخ، یاهالدیم * ها، دئییرم، اونون ایشی ندی؟

آرواد یئنه دئییر:

– آی بالام، میه، اؤزون دئمدون دمیرچی؟

ملا دئییر: – عجب، گئنه ده یاهالدیم ها، ایستیردیم دیه‌م هاردا اوتورار؟

آرواد دئییر: – آی عقل‌سیز کیشی، میه اؤزون دئمدون بیزیم قونشوموز؟

ملا باشینی بولایا-بولایا دئییر: – آی جانیم، سن‌دن ده بئش کلمه سؤز سوروشماق اولمور.

٭٭ یاهالدیم - یانیلدیم