کولت. آزذ سهراب طاهیرین شعیرینی تقدیم ائدیر:

دردي درد اولموشدو ائلين‌ده منه،

آغلاديم، بير دلی گولنده منه،
هئچ كس آغلاماسين اؤلنده منه،
من هئچ واخت، هئچ زامان اؤلمرم داها

دنيزلر، دريالار منه دايازدير،
ان درين بير چاي وار، او دا آرازدير.
منه گؤروش وئرين، آزادليق آزدير،
گؤروشسم، آيريلماق بيلمرم داها.

عؤمرومدن غوربتلر، يادلار، قووولسون،
كئچميشيم، يييه‌سيز قالدي، قوي اولسون!..
آنجاق گلجه‌ييم منيم كي اولسون،
من اونو عؤمرومدن سيلمرم داها!

منيم سعادتيم هارداسا ايتدی،
او آسان گلميشدي، آسان‌دا گئتدی،
منه نه ائتديسه سعادت ائتدی،
بدبخت سعادته گولمرم داها.

آزاد قارداشيم وار، اونونلا خوشام،
من گرك ساحيلی ساحيله قوشام،
ايكي‌ بؤلونمكدن ائله قورخموشام
چؤپو ده ايكي‌يه بؤلمرم داها!