چئویرن: ووقار نعمت

کیشی ائرکن یاتاغا گیرسه ده یوخوسو گلمه‌ییر. ملفه‌لری آتیب بیرآز کیتاب اوخویور. چیراغی سؤندورور. آنجاق یئنه ده یاتابیلمه‌ییر. اوباشدان ساعات اوچده آیاغا قالخیر. قونوم-قونشونون قاپی‌سینی چالیر، اونلارلا دردله‌شیر و اونلارا یاتابیلمه‌دییبنی سؤیله‌ییر.

دوستو، یورولوب یاتابیلمک اوچون اونا بیر قده‌ر آددیملاماغی تکلیف ائدیر. سونرا دا بیر فینجان زیرفون یارپاغی قاینادیب ایچمه‌یی و چیراقلاری سؤندورمه‌یی اؤنه‌ریر. کیشی توم بونلاری ائله‌ییر یئرلی-یئرینده، آما یئنه ده یوخوسو گلمیر.

آیاغا قالخیب دوکتورا گئدیر. دوکتور دا اولدوغو کیمی بیر سیرا تکلیف‌لر وئریر، آنجاق کیشی یئنه ده یاتابیلمیر.
صوبح ساعات آلتی‌دا تاپانچانی دولدوروب، باشینا دایاییب ماشانی چکیر و بئینینی داغیدیر.

کیشی اؤلوبدور آرتیق، آما هله ده یوخوسو گلمیر!..