کولت. آذ اوستاد شهریارین "دوست گؤرمدیم" آدلی شعیرینی تقدیم ائدیر:

اوزوم کیمی قارابخت تانیمیرام جهان‌دا،

قارا باختین الین‌دن گون گؤرمدیم بیر آن دا.

دوستوما سؤیلمکچون قلبیم‌ده چوخ سؤزوم وار،

اصیل اورک دوستونو گزیب تاپیم هایان‌دا؟

ایندی اومید گؤزویله باخماغا بیر کسیم یوخ،

اومید گؤزو کور اولار، اونا تنه ووران‌دا.

سیغیندیم‌سا هر کسه، منی سال‌دی قفه‌سه،

ووهشی قوشتک قالمارام دن سپیله‌ن مکان‌دا.

دوستوم، علیم چاتماییر منیم وفا اهلینه،

سلامی‌می یئتیر سن او کسلره، چاتان‌دا.

بیریارپاغام، نسیبیم شیمشکلرین غضبی،

هئچ اؤزوم ده بیلمیرم نیه یاراندیم اوندا.

سحر یئلی، یاواش اس، منه اینایت ائیله،

یارپاقتک تیترییرم سن اسدیین زامان‌دا.

کوله دؤنوب سوورولدوم، گؤز یاشیمین اودون‌دان

قارا تورپاق اود توتوب، شؤله چکیب یانان‌دا.

گوناه اینسان اوزونو اگر قارا ائدیرسه،

قارا اوزلو کسلره شهریارام جاهان‌دا.