Axar.az
یوخاری


چیچکلرین‌ رنگین‌ یالار کپنک‌... - اوشاق ادبیاتی

آنا صحیفه ادبیات
12 Punto 14 Punto 16 Punto 18 Punto

کولت. آذ حبیب فرشبافاین اوشاق ادبیاتی سیلسیله‌سین‌دن "کپنک" آدلی شعرینی تقدیم ائدیر:

چیچکلرین‌ رنگین‌ یالار کپنک‌
هر چیچکدن‌ بیر رنگ‌ آلار کپنک
گؤزه‌ل‌ اولار، گویچک‌ اولار کپنک‌
اؤزوده‌ بیر چیچک‌ اولار کپنک‌.

قانادیندا گیرده‌، گیرده‌ خالی‌وار
قاراسی‌ وار، ساریسی‌وار، آلی‌وار
او هر یئردن‌ باغچا- باغی‌ چوخ سئوه‌ر
اوشاقلارلا اویناماغی‌ چوخ‌ سئوه‌ر.

اوچار، اوچار دوز چاتاندا یول‌ اوسته‌
گلیب‌ قونار چیچکلی‌ بیر کول‌ اوسته‌,
قانادلارین‌ گاه‌ اوجالدار، گاه‌ یایار
کول‌ اوستونده‌ بیر چیچگه‌ اوخشایـار.

بیر اوشاق‌دا اونو گؤروب‌ سئوینر
گئده‌ر دوتسون‌ قلبی‌ گوپ‌- گوپ‌ دؤیونر
بارماغی‌نین‌ دوز اوجوندان‌ قالخار او
اوشاغی‌دا یاندیرار او، یاخار او.
بوردان‌ اورا، اوردان‌ اورا هئی‌ اوچار
اوشاق‌ اونون‌ دالیسیجا هئی‌ قاچار
تؤوشر – تؤوشر الی‌ اوزاناق‌ قالار
دوروب‌ اونون‌ دالیسیجا یالوارار:

گئتمه‌، گئتمه‌ آی‌ قانادلی‌ چیچه‌یــیم‌ !
کوسمه‌ مندن‌ منیم‌ گؤزه‌ل‌ گؤیچه‌ییم‌!
قورخورام‌ کی‌ اودو ایشیق‌ ساناسان
گئدیب‌ گیریب‌ اود ایچینده‌ یاناســـان.

شاملار آغلار سنه‌ تؤکر گؤز یاشی‌
من‌ ده‌ یاننام‌ شاملار ایله‌ یاناشی‌
آیاقلارین‌ ایپکدن‌دیر کپنک‌!
قانادلارین‌ چیچکدن‌دیر کپنک‌!

کاش‌ کی‌ سنی‌ بیرجه‌ دفعه‌ دوتایدیـم‌
گیرده‌، گیرده‌ خال‌ لاریندان‌ اؤپیــدیم‌
یالواریرام‌ یولون‌ دوشسه‌ تــــــبریزه‌
بیر آخشام‌ دا یئنه‌ فوناق‌ گل‌ بــــیزه‌!

تاریخ
2020.05.21 / 11:52
مولف
آیتاج آراز
شرح لر
دیگر خبرلر

هارداسان … گل کی سینه‌م طاقچاسی سازدان دولودور- شعیر

گل، اول حیات‌دا یولداش اولاق بیز- شئیر

طایفایا سس دوشور کی، حاج حسنقولونو ایلان چالیب-حکایه‌

عشقدن جانیمدا بیر پنهان مرض وار ای حکیم... - محمد فضولی

سنی بوش یئره سئومه‌میشدیم - حکایه

صمد وورغونون شعیر حصر ائتدیی شاعر

ان گؤزل قادینلار شعیرلرده سوسورلار - آذربایجانلی شاعر

هئچ کس آغلاماسین اؤلنده منه - سهراب طاهیر

ایشیغا حسرت قالان گؤز ایشیق سئوه‌ن کیمی- شعیر

تانییاق و تانیداق: گونئی‌لی شاعره لیلی کهالی- فوتو

خبر خطّی
 
Axar.az'da reklam Bağla
Reklam
Bize yazin Bağla