کولت. آذ گونئی‌لی شاعر كاميل قهرمان اوغلونون "قان یالا بابک" آدلی شعرینی قبول ائدیر:

دور یار مزاری، گل یئنیدن قور قالا، بابک
قان بایراغی آل چیینینه بیر دوش یولا بابک

گل-گل یئنه بو توپراغی قارقیش گؤوریبدیر
گل-گل وطنی قویما خلیفه آلا بابک

اک قوللارینی توپراغا بایراق چیچک آچسین
قان توک یئره سونرا قاییدیب قان یالا بابک

اؤلدور اؤلومو، سن اؤلومه قارشی ایگیدسن
توت هاردا اؤلوم وار یاخاسین خیلخالا بابک

گل قالخ آیاغا ایندیده محکومدو بو میللت
قوی قانلی قیلینجین چیچک اولسون،لالا، بابک

آه، آه یئنه ستارخانی آل قان آپاریر، هئی!
دور گل قانا-قان آلماغا قان امضالا بابک

هاردا بو کوراوغلو یئنه ده چنلیدی بئللر
توت ال-اله بیر خان-پاشانی بالتالا بابک

هایخیر هجری- قوچ نبی نی بلکه دیریلسین
قان سال یارالی اؤلکه میزه، قان جالا بابک ..